Eaha to roto?

Mau faaho'iraa ê

Tapura tumu parau

Ite no Iehova

Tahiti

Iesu te e‘a, te parau mau, te ora

 PENE 1

Piti poroi no ǒ mai i te Atua

Piti poroi no ǒ mai i te Atua

LUKA 1:5-33

  • TOHURAA TE MELAHI GABERIELA I TE FANAURAA O IOANE BAPETIZO

  • PARAURAA GABERIELA IA MARIA E E FANAU OIA IA IESU

E poroi iho â te Bibilia taatoa no ǒ mai i te Atua. Ua horoa mai to tatou Metua i te ra‘i i te reira ei haapiiraa ia tatou. E hi‘o mai râ tatou e piti poroi taa ê tei horoahia mai hau atu i te 2 000 matahiti a‘enei. Ua horoahia mai te reira e te hoê melahi o Gaberiela te i‘oa, o te “tia i mua i te aro o te Atua.” (Luka 1:19) I teihea taime to taua melahi ra horoaraa mai i taua na poroi faufaa ra?

Tei te area matahiti 3 hou to tatou tau. Ihea to Gaberiela horoaraa i te poroi matamua? Te noho ra Zekaria te hoê tahu‘a a Iehova i te tuhaa fenua mou‘a no Iudea, e ere mea atea ia Ierusalema. E ruhiruhia raua ta ’na vahine faaipoipo o Elisabeta e aita ta raua e tamarii. I tera mahana na Zekaria e rave ra i te taviniraa a te tahu‘a i te hiero o te Atua i Ierusalema. I reira ïa to Gaberiela faraa ’tu i pihai iho i te fata o te mea no‘ano‘a.

Mehameha ihora Zekaria, eaha e ore ai! Tamǎrû atura râ te melahi ia ’na, a na ô ai: “Eiaha e mǎta‘u Zekaria, ua faaroo te Atua i ta oe taparuparuraa e e fanau mai to vahine o Elisabeta i te hoê tamaiti na oe e o Ioane te i‘oa ta oe e horoa no ’na.” Parau atoa ’tura Gaberiela e “e riro” Ioane “ei taata faufaa i te aro o Iehova” e e faaineine oia i “te hoê nunaa ta Iehova e au.”—Luka 1:13-17.

Mea fifi roa no Zekaria ia tiaturi i tera poroi. No te aha? No te mea e ruhiruhia raua Elisabeta. Na ô atura ïa Gaberiela ia Zekaria: “E vavahia oe e tae noa ’tu i te mahana e tupu ai teie mau mea, no te mea aita oe i tiaturi i ta ’u mau parau.”—Luka 1:20.

Te uiui noa atoa ra te feia i rapaeau mai eaha râ Zekaria e maoro ai i roto i te hiero. Haere maira Zekaria i rapaeau, aita râ i tia ia ’na ia paraparau. Apǎ noa ’tura oia i te rima. Papu roa e e ohipa maere roa ta ’na i ite i roto i te hiero.

I te otiraa ta Zekaria taviniraa i te hiero, ho‘i atura oia i to ’na fare. Hapû ihora Elisabeta e faaea noa ihora oia i te fare o raua ana‘e e pae ava‘e, a tiai noa ’i ia fanau mai oia i ta ’na aiû.

I muri a‘e ua fa faahou mai Gaberiela. Ia vai? Ia Maria te hoê vahine apî faaipoipo ore, e noho ra i te oire o Nazareta i te pae apatoerau i te tuhaa fenua parauhia Galilea. Eaha ta te melahi i parau ia ’na? Teie ïa: “Ua farii-maitai-hia oe e te Atua.” Na ô faahou atura Gaberiela ia Maria: “Inaha, e hapû oe e e fanau oe i te hoê tamaiti ta oe e topa i te i‘oa o Iesu.” Parau atoa ’tura Gaberiela: “E riro oia ei taata faufaa e e parauhia oia Tamaiti a te Teitei, . . . e faatere oia ei Arii i nia i te utuafare o Iakoba e a muri noa ’tu e e ore roa ta ’na Faatereraa arii e mou.”—Luka 1:30-33.

Eita e ore e ua oaoa roa Gaberiela no ta ’na fana‘oraa taa ê e horoa i taua na poroi ra. Hau atu â tatou i te ite no nia ia Ioane e ia Iesu, e taa ’tu â ia tatou no te aha mea faufaa roa ’i taua na poroi ra no te ra‘i mai.