Eaha to roto?

Mau faaho'iraa ê

Tapura tumu parau

Ite no Iehova

Tahiti

Iesu te e‘a, te parau mau, te ora

Mai ia Iesu, e riro ana‘e ei taata . . .

Mai ia Iesu, e riro ana‘e ei taata . . .

AUMIHI

Aita Iesu te hoê taata tia roa i faaruru i te mauiui e te haapeapearaa e rave rahi mai to te tahi atu mau taata. Noa ’tu râ, ua faaite oia i te aumihi. Ua ineine oia i te tauturu ia ratou, i te rave i te tahi mau mea hau a‘e i tei titauhia. No to ’na aumihi i tauturu ai oia ia vetahi ê. A feruri i te mau hi‘oraa i na pene 32, 37, 57, 99.

OHIE IA FAAFATATA ’TU

Ua faafatata noa ’tu te taata atoa, te feia apî e te feia paari, ia Iesu, no te mea aita oia i faaite noa ’‘e mea ohipa roa oia aore ra “o vau teie.” Ua tâu‘a râ Iesu ia ratou tataitahi, a au roa ’tu ai ratou ia ’na. A hi‘o na i na pene 25, 27, 95.

PURE

Ua matau Iesu i te pure i to ’na Metua ma to ’na aau atoa, o ’na ana‘e anei aore ra e ta ’na mau pǐpǐ. Pinepine oia i te pure, eiaha noa i te taime tamaaraa. Ua pure oia no te haamauruuru i to ’na Metua, no te arue ia ’na e no te ani i ta ’na aratairaa hou a rave ai i te mau faaotiraa faufaa. A hi‘o i na pene 24, 34, 91, 122, 123.

TÂU‘A IA VETAHI Ê

I te mau taime i hinaaro mau ai oia e faafaaea rii no te rohirohi anei, ua tâu‘a noa oia ia vetahi ê na mua. E hi‘oraa maitai atoa teie e nehenehe tatou e pee maite. A hi‘opoa i taua hi‘oraa ra i na pene 19, 41, 52.

FAAORE NOA I TE HAPA

Ua haapii Iesu ia vetahi ê i te faufaaraa ia faaore i te hapa. Ua faaore atoa râ oia i te hapa a ta ’na mau pǐpǐ e a vetahi ê. A feruriruri i te mau hi‘oraa i na pene 26, 40, 64, 85, 131.

ITOITO RAHI

Ua tohuhia e eita te rahiraa o te mau ati Iuda e farii i te Mesia e e haapohe to ’na mau enemi ia ’na. E nehenehe noa ïa Iesu e faaoti eiaha e rohi no vetahi ê. Aita râ, ua turu oia ma te itoito rahi i te haamoriraa mau. Ua vaiiho mai oia i te hoê hi‘oraa itoito rahi no ta ’na mau pǐpǐ atoa o te faaruru i te tâu‘a ore aore ra te patoiraa. A hi‘o i na pene 16, 72, 103.

HAEHAA

Ua hau ê Iesu i te mau taata tia ore i roto e rave rahi tuhaa, te ite anei e te paari. E tino e e feruriraa tia roa to ’na. Ua tavini râ oia ia vetahi ê ma te haehaa. E ite oe i te tahi mau haapiiraa o te reira i na pene 10, 62, 66, 94, 116.

FAAOROMAI

A ore ai ta ’na mau aposetolo e te tahi atu e pee i to ’na hi‘oraa aore ra e faaohipa i ta ’na mau parau, ua tamau noa Iesu i te haapii ia ratou ma te faaoromai ia piri atu â ratou ia Iehova. A feruri i to Iesu faaoromai i na pene 74, 98, 118, 135.