Salmo 95:1-11
95 Kari kamo, magsinggit kita sa kalipay kay Jehova!
Magsinggit kita bangod sa kadalag-an sa Igang sang aton kaluwasan.+
2 Magpalapit kita sa iya presensia* nga may pagpasalamat;+Mag-amba kita kag magsinggit sa iya bangod sa kadalag-an.
3 Kay si Jehova gamhanan nga Dios,Isa ka gamhanan nga Hari nga labaw sa tanan nga dios.+
4 Iya ang kadadalman sang duta;Iya man ang putukputukan sang mga bukid.+
5 Iya ang dagat nga ginhimo niya,+Kag sia ang naghimo sang mamala nga duta.+
6 Kari kamo, magsimba kita kag magyaub sa iya;Magluhod kita sa atubangan ni Jehova nga aton Manunuga.+
7 Kay sia ang aton Dios,Kag kita ang katawhan sa iya halalban,Ang mga karnero nga iya ginaatipan.*+
Karon kon mamati kamo sa iya,+
8 Indi pagpatig-aha ang inyo tagipusuon kaangay sang ginhimo sang inyo mga katigulangan sa Meriba,*+Subong sang natabo sa Masa* sa kamingawan,+
9 Sang gintilawan ako sang inyo mga katigulangan;+Ginhangkat nila ako, bisan pa nakita nila ang akon mga ginhimo.+
10 Sa sulod sang 40 ka tuig nangil-ad ako sa sina nga kaliwatan, kag nagsiling ako:
“Mga tawo sila nga pirme nagatalang ang tagipusuon;Wala nila ginasunod ang akon mga dalanon.”
11 Gani sa akon kaakig nagpanumpa ako:
“Indi gid sila makasulod sa akon kapahuwayan.”+
Footnote
^ Sa literal, “sa atubangan sang iya nawong.”
^ Sa literal, “sa iya kamot.”
^ Buot silingon, “Pagpakigbais.”
^ Buot silingon, “Pagtilaw.”
