Salmo 130:1-8

  • ‘Sa tuman nga kalisod nagpanawag’

    • “Kon mga sala lang ang ginatan-aw mo” (3)

    • Jehova matuod nga nagapatawad (4)

    • ‘May kalangkag nga nagahulat’ (6)

Ambahanon sang mga Nagataklad. 130  O Jehova, sa akon tuman nga kalisod nagpanawag ako sa imo.+   O Jehova, pamatii ako. Kabay nga pamatian mo ang akon pagpangayo sing bulig.   Kon mga sala lang ang ginatan-aw* mo, O Jah,*O Jehova, sin-o bala ang makatindog sa atubangan mo?+   Kay sa imo yara ang matuod nga kapatawaran,+Agod tahuron* ka sang mga tawo.+   Nagalaum ako kay Jehova, ang akon bug-os nga pagkatawo* nagalaum sa iya;Nagahulat ako sa iya pulong.   May kalangkag ako nga nagahulat* kay Jehova,+Labi pa sa paghulat sang mga bantay sa pag-abot sang aga,+Huo, labi pa sa paghulat sang mga bantay sa pag-abot sang aga.   Padayon nga magahulat ang Israel kay Jehova,Kay si Jehova may mainunungon nga gugma,+Kag may daku nga gahom sa pagluwas.   Tubson niya ang Israel sa tanan nila nga mga sala.

Footnote

Ukon “ginabantayan.”
Ang “Jah” amo ang ginpalip-ot nga ngalan ni Jehova.
Sa literal, “kahadlukan.”
Ukon “akon kalag.”
Ukon “Ang akon kalag malangkagon nga nagahulat.”