Salmo 39:1-13

  • Ang kalip-uton sang kabuhi

    • Isa ka huyop sang hangin  (5, 11)

    • ‘Indi pagbalewalaa akon paghibi’ (12)

Para sa pangulo sang musika sang Jedutun.*+ Salmo ni David. 39  Nagsiling ako: “Bantayan ko ang akon mga tikangAgod malikawan ko nga makasala sa akon dila.+ Busalan ko ang akon baba+Samtang may malauton sa akon atubangan.”   Wala ako makahambal kag naghipos lang ako;+Wala ako maghambal bisan sing maayo nga butang,Apang nasakitan gid ako.*   Nagsilabo* ang akon tagipusuon sa sulod ko. Sang nagahunahuna* ako daw kalayo ako nga nagadabdab. Gani naghambal ako:   “O Jehova, buligi ako nga mahibaluan ang akon katapusan,Kag ang kalawigon sang akon mga adlaw,+Agod mahibaluan ko kon daw ano kalip-ot ang akon kabuhi.*   Kalip-ot sang kabuhi nga ginhatag mo sa akon;+Daw sa wala lang ang kalawigon sini sa atubangan mo.+ Pat-od gid nga ang tagsa ka tawo, bisan pa daw malig-on, isa lang ka huyop sang hangin.+ (Selah)   Ang matuod, ang kabuhi sang tawo daw landong lamang. Wala sing pulos ang iya pagpanikasog. Nagatipon sia sing manggad apang wala sia makahibalo kon sin-o ang manginpulos sini.+   Ano karon ang akon malauman, O Jehova? Ikaw lang ang akon paglaum.   Luwasa ako sa tanan ko nga paglapas.+ Indi pagtuguti nga tamayon ako sang buangbuang.   Naghipos lang ako;Wala ako sing masiling,+Kay ikaw ang naghimo sini.+ 10  Kuhaa ang kalalat-an nga ginhatag mo sa akon. Nagpalangluya ako bangod ginsakit mo ako. 11  Ginasilutan mo ang tawo agod tadlungon sia sa iya kasaypanan;+Kaangay sang sapatsapat nga nagapang-ut-ot ginaubos mo ang iya ginapakahamili nga mga butang. Pat-od gid nga ang tawo daw isa lang ka huyop sang hangin.+ (Selah) 12  O Jehova, pamatii ang akon pangamuyo,Dungga ang akon pagpangayo sing bulig.+ Indi pagbalewalaa ang akon paghibi. Kay sa imo isa lamang ako ka dumuluong,+Isa ka nagalabay lang nga manuglakbay, kaangay sang tanan ko nga katigulangan.+ 13  Indi ako pagtuluka nga akig ka, agod malipay akoSa wala pa ako mapatay.”*

Footnote

Tan-awa ang Glossary.
Ukon “nadugangan ang akon kasakit.”
Sa literal, “Nag-init.”
Ukon “nagapanghayhay.”
Ukon “kon daw ano ka umalagi ako.”
Sa literal, “Sa wala pa ako mapatay kag madula.”