Salmo 15:1-5
Salmo ni David.
15 O Jehova, sin-o ang makaduaw sa imo tolda?
Sin-o ang makaistar sa imo balaan nga bukid?+
2 Ang isa nga nagakabuhi nga wala sing kasaypanan,*+Nagahimo sing matarong+Kag nagahambal sing kamatuoran sa iya tagipusuon.+
3 Sia nga wala nagapasipala,+Wala nagahimo sing malain sa iya isigkatawo,+Kag wala nagapakahuya sa iya mga abyan.+
4 Ginasikway niya ang mga talamayon,+Apang ginapadunggan niya ang mga nagakahadlok kay Jehova.
Ginatuman niya ang iya saad,* bisan pa mabudlay ini tumanon.+
5 Nagapahulam sia nga wala sing saka,+Kag wala sia nagabaton sing hamham batok sa tawo nga wala sing sala.+
Ang nagahimo sini nga mga butang indi gid malingkang.*+
