Salmo 13:1-6
Para sa pangulo sang musika. Salmo ni David.
13 O Jehova, tubtob san-o nga kalimtan mo ako? Tubtob bala sa wala sing katubtuban?
Tubtob san-o nga lipdan mo ang imo nawong sa akon?+
2 Tubtob san-o nga magakabalaka ako,*Kag magapangasubo ang akon tagipusuon sa kada adlaw?
Tubtob san-o nga daugon ako sang akon kaaway?+
3 O Jehova nga akon Dios, talupangda ako kag sabta ako.
Ibalik ang akon kusog,* agod indi ako magtulog sa kamatayon,
4 Agod ang akon kaaway indi magsiling: “Nadaug ko sia!”
Indi pagtuguti nga magkasadya ang akon mga kaaway bangod napukan ako.+
5 Apang nagasalig ako sa imo mainunungon nga gugma;+Magakalipay ang akon tagipusuon kay luwason mo ako.+
6 Magaamba ako kay Jehova, kay ginpadyaan niya ako sing bugana.+
