Salmo 54:1-7

  • Pangamuyo nga buligan sa mga kaaway

    • “Dios amo ang akon bulig” (4)

Para sa pangulo sang musika; ambahon upod ang de-kuerdas nga mga instrumento. Maskil.* Salmo ni David, sang nag-abot ang mga Zifanhon kag nanugid kay Saul: “Si David nagapanago didto sa amon.”+ 54  O Dios ko, sa ngalan mo luwasa ako,+Kag paagi sa imo gahom pangapini ako.*+   O Dios ko, pamatii ang akon pangamuyo;+Dungga ang akon mga pulong.   Kay may mga dumuluong nga nagasumpong sa akon,Kag may mapintas nga mga tawo nga nagatinguha sang akon kabuhi.*+ Wala nila ginakilala ang Dios.*+ (Selah)   Ang Dios amo ang akon bulig;+Si Jehova upod sa mga nagapangapin sa akon.*   Balusan niya ang malain nga ginhimo sang akon mga kaaway;+Sa imo katutom, laglaga* sila.+   Magahalad ako sing kinabubut-on sa imo.+ O Jehova, dayawon ko ang imo ngalan, kay maayo ini.+   Kay ginluwas niya ako sa tanan nga kalisdanan,+Kag makita ko ang pagkalutos sang akon mga kaaway.+

Footnote

Tan-awa ang Glossary.
Ukon “sakdaga ako.”
Ukon “kalag.”
Ukon “Wala nila ginabutang ang Dios sa ila atubangan.”
Ukon “akon kalag.”
Sa literal, “pahipusa.”