Salmo 34:1-22

  • Ginaluwas ni Jehova iya mga alagad

    • “Dayawon naton ang iya ngalan” (3)

    • Anghel ni Jehova nagaamlig (7)

    • ‘Tilawi, tan-awa, si Jehova maayo’ (8)

    • ‘Wala sing tul-an niya nga nabali’ (20)

Salmo ni David, sang nagpakunokuno sia nga buang+ kay Abimelec, nga nagtabog sa iya, gani naglakat sia. א [Aleph] 34  Dayawon ko si Jehova sa tanan nga tion;Indi ako mag-untat sa pagdayaw sa iya. ב [Beth]   Ipabugal ko* si Jehova;+Ang mga mahagop makabati kag magakasadya. ג [Gimel]   Himayaa ninyo si Jehova upod sa akon;+Dayawon naton ang iya ngalan. ד [Daleth]   Nagpamangkot ako kay Jehova, kag ginsabat niya ako.+ Ginluwas niya ako sa tanan nga ginakahadlukan ko.+ ה [He]   Nagakalipay ang mga nagasalig sa iya;Indi gid sila mahuy-an. ז [Zayin]   Ining kubos nagpanawag, kag ginpamatian sia ni Jehova. Ginluwas niya sia sa iya tanan nga kalisdanan.+ ח [Heth]   Ang anghel ni Jehova nagabantay sa* tanan nga nagakahadlok sa Iya,+Kag ginaluwas niya sila.+ ט [Teth]   Tilawi ninyo kag tan-awa nga si Jehova maayo;+Malipayon ang tawo nga nagadangop sa iya. י [Yod]   Magkahadlok kay Jehova, kamo nga iya mga balaan,Kay wala ginakulang ang mga nagakahadlok sa iya.+ כ [Kaph] 10  Bisan ang makusog nga bataon nga leon* nagakagutman,Apang ang mga nagapangita kay Jehova indi pagkulangon sing maayo nga butang.+ ל [Lamed] 11  Kari kamo, mga anak ko, pamatii ninyo ako;Tudluan ko kamo kon ano ang kahadlok kay Jehova.+ מ [Mem] 12  Sin-o sa inyo ang nagakalipay sa kabuhiKag luyag makakita sang maayo nga mga adlaw?+ נ [Nun] 13  Kon amo sina, bantayi ang imo dila sa paghambal sing malain,+Kag ang imo mga bibig sa pagpangdaya.+ ס [Samekh] 14  Likawi ang malain, kag himua ang maayo;+Pangitaa ang paghidait, kag hupti ini.+ ע [Ayin] 15  Ang mga mata ni Jehova nagatulok sa mga matarong,+Kag ang iya mga dulunggan nagapamati sa ila pagpangayo sing bulig.+ פ [Pe] 16  Apang ginasikway ni Jehova ang mga nagahimo sang malain,Agod indi na sila madumduman pa sa duta.+ צ [Tsade] 17  Nagpanawag sila, kag ginpamatian sila ni Jehova;+Ginluwas niya sila sa ila tanan nga kalisdanan.+ ק [Qoph] 18  Malapit si Jehova sa mga nagaantos;+Ginaluwas niya ang mga nalisdan.*+ ר [Resh] 19  Madamo ang kabudlayan* sang matarong,+Apang ginaluwas sia ni Jehova sa sini tanan.+ ש [Shin] 20  Ginabantayan Niya ang tanan niya nga tul-an;Wala sing isa sini ang nabali.+ ת [Taw] 21  Ang malauton mapatay sa kalamidad;Ang mga nagadumot sa matarong hukman nga nakasala. 22  Ginatubos ni Jehova ang kabuhi* sang iya mga alagad;Ang mga nagadangop sa iya, indi niya paghukman nga nakasala.+

Footnote

Ukon “sang akon kalag.”
Ukon “nagakampo sa palibot sang.”
Ukon “ang may bungaybungay nga bataon nga leon.”
Ukon “naluyahan sing buot.”
Ukon “kalamidad.”
Ukon “kalag.”