Nzembo 26:1-12
Loyembo ya Davidi.
26 Ee Yehova, sambisá ngai mpo natamboli kozanga mbeba,+Natyeli Yehova motema, mpe natengitengi te.+
2 Ee Yehova, talá ngai malamumalamu mpemeká ngai;Pɛtolá makanisi na ngai oyo ebombaná mpenza* na kati mpe motema na ngai.+
3 Mpo bolingo na yo ya sembo ezali ntango nyonso liboso na ngai,Mpe natambolaka na solona yo.+
4 Nasalaka boninga te* na bato ya lokuta,+Mpe naboyi baoyo bazali kobomba ndenge bazali.*
5 Nayini lisangá ya basali-mabe,+Mpe naboyi kosala boninga* na bato mabe.+
6 Nakosukola mabɔkɔ na ngai mpo na komonisa ete nazali na ngambo te,Mpe nakotambola zingazinga ya etumbelo na yo, Ee Yehova,
7 Mpo na kosala ete lokito ya matɔndi eyokana,+Mpe mpo na kosakola misala na yo nyonso ya kokamwa.
8 Yehova, nalingaka ndako oyo ofandaka,+Esika oyo nkembo na yo efandaka.+
9 Kolongola ngai* te elongo na basumuki,+Mpe kolongola bomoi na ngai te elongo na bato ya mobulu,*
10 Baoyo mabɔkɔ na bango emipesi na etamboli ya nsɔni,Mpe baoyo lobɔkɔ na bango ya mobali etondi na kanyaka.
11 Kasi ngai, nakotambola kozanga mbeba.
Bikisá* ngai mpe moniselá ngai boboto.
12 Lokolo na ngai etɛlɛmi na esika ya patatalu;+Na kati ya ebele ya bato oyo bayangani, nakosanzola Yehova.+
Maloba na nse
^ To, “mayoki na ngai ya mozindo.” Lil., “bangɛi.”
^ Lil., “Nafandi esika moko te.”
^ To, “Nazalaka te esika moko na baoyo babombaka ndenge bazali.”
^ Lil., “nafandaka esika moko te.”
^ To, “molimo na ngai.”
^ To, “ngambo ya makila.”
^ Lil., “Sikolá.”
