Nzembo 9:1-20
Epai ya mokambi ya nzembo; ya Mute-labene.* Mondule ya Davidi.
א [Alef]
9 Ee Yehova, nakosanzola yo na motema na ngai mobimba;Nakolobela misala na yo nyonso ya kokamwa.+
2 Nakosepela mpe nakozala na esengo mpo na yo;Nakoyemba mpo na kosanzola* nkombo na yo, Ee Oyo-Aleki-Likoló.+
ב [Bet]
3 Ntango banguna na ngai bakozonga nsima,+Bakobɛta libaku mpe bakokufa na miso na yo.
4 Mpo ozali kosamba likambo na ngai mpe kolongisa ngai;Ofandi na kiti ya bokonzi na yo mpe ozali kosambisa na bosembo.+
ג [Gimel]
5 Opameli bikólo+ mpe obomi bato mabe.Obomi nkombo na bango libela na libela.
6 Banguna babebisami mpo na libela;Opikoli bingumba na bango,Mpe bakokanisama lisusu ata moke te.+
ה [He]
7 Kasi Yehova afandi na kiti ya bokonzi mpo na libela;+Apiki kiti na ye ya bokonzi mpo na bosembo.+
8 Akosambisa na bosembo bato oyo bafandi na mabele;*+Mpo na bato ya bikólo, akozwa bikateli na bosembo.+
ו [Waw]
9 Yehova akokóma esika makasi ya kobombana* mpo na moto oyo azali konyokwama,+Esika makasi ya kobombana na ntango ya mpasi.+
10 Baoyo bayebi nkombo na yo bakotyela yo motema;+Okosundola ata moke te baoyo balukaka yo, Ee Yehova.+
ז [Zayin]
11 Bóyemba mpo na kosanzola Yehova, ye oyo afandi na Siona;Bóyebisa misala na ye na kati ya bato ya bikólo.+
12 Akokanisa baoyo bazali na mpasi mpe akozongisa mabe mpo na makila na bango;+Akobosana te kolela na bango mpo na kosɛnga lisalisi.+
ח [Het]
13 Moniselá ngai boboto, Ee Yehova; talá mpasi oyo bato bayinaka ngai bazali komonisa ngai,Yo oyo ozali kobikisa ngai na liwa,*+
14 Mpo nasakola misala na yo oyo ebongi kosanzolama na baporte ya mwana mwasi ya Siona,+Mpe nasepela na misala ya kobikisa.+
ט [Tet]
15 Bato ya bikólo bazindi na libulu oyo batimoli;Lokolo na bango ekangami na monyama oyo babombaki.+
16 Yehova ayebani mpo na ekateli ya lisambisi oyo azwi.+
Moto mabe akangami na motambo oyo asalaki na mabɔkɔ na ye moko.+
(Higayone.* Sela)
י [Yod]
17 Bato mabe bakokende na Nkunda,*Bato ya bikólo nyonso oyo babosani Nzambe.
18 Kasi mobola bakobosana ye libela te,+Mpe elikya ya bato ya komikitisa ekozala mpamba te.+
כ [Kaf]
19 Tɛlɛmá, Ee Yehova! Moto, mowei mpamba alonga yo te.
Bikólo esambisama liboso na yo.+
20 Bangisá bango, Ee Yehova,+Bato ya bikólo báyeba ete bazali kaka bato, bawei mpamba. (Sela)
Maloba na nse
^ Talá Ndimbola ya maloba.
^ To, “Nakobɛta miziki mpo na.”
^ To, “na mabele oyo ebotaka.”
^ To, “esika ya kobombana oyo etombwaná.”
^ Lil., “Yo ozali kolongola ngai na baporte ya liwa.”
^ Talá Ndimbola ya maloba.
^ To, “Sheole,” elingi koloba, nkunda ya bato nyonso. Talá Ndimbola ya maloba.
