Nzembo 38:1-22
Mondule ya Davidi, mpo ezala likambo ya kokanisa.*
38 Ee Yehova, kopamela ngai na nkanda na yo te,Mpe kosembola ngai te na nkanda na yo ya makasi.+
2 Mpo makula na yo ekɔti mpenza na kati na ngai,Mpe lobɔkɔ na yo ezali kilo likoló na ngai.+
3 Nzoto na ngai mobimba ezali kobɛla* mpo na nkanda na yo.
Mikuwa na ngai ezali na kimya te mpo na lisumu na ngai.+
4 Mpo mabunga na ngai eleki na motó na ngai;+Lokola mokumba moko ya kilo, ezali mpenza kilo oyo nakokoka komema te.
5 Bampota na ngai ekómi kolumba nsolo mpe kobimisa tofina*Mpo na bozoba na ngai.
6 Natungisami mpe mawa esilisi ngai makasi;Mokolo mobimba, natamboli epai na epai na mawa na ngai.
7 Mɔtɔ ezali kopela na kati na ngai;*Nzoto na ngai mobimba ezali kobɛla.+
8 Nasili makasi mpe natutami mpenza;Mawa ya motema na ngai esali ete namilelalela* na mongongo makasi.*
9 Ee Yehova, mposa na ngai nyonso ezali liboso na yo,Mpe kolela ya motema* na ngai ebombami te liboso na yo.
10 Motema na ngai ebɛti makasi, nguya na ngai etiki ngai,Mpe pole ya miso na ngai elimwe.+
11 Baninga mpe bazalani na ngai baboyi ngai mpo na bampasi na ngai,Mpe baoyo bafandaka pene na ngai batɛlɛmi mosika.
12 Baoyo balukaka bomoi na ngai batye mitambo;Baoyo bazali koluka kosala ngai mabe bazali kolobela libebi;+Mpe mokolo mobimba, bazali kaka koloba na nse nse maloba ya bokosi.
13 Kasi lokola moto oyo akufá matoi, nazali koyoka te;+Mpe lokola moto oyo alobaka te, nazali kofungola monɔkɔ na ngai te.+
14 Nakómi lokola moto oyo akoki koyoka te,Mpe oyo monɔkɔ na ye ezali na eloko moko te ya koloba mpo na komilongisa.
15 Mpo nazelaki nde yo, Ee Yehova,+Mpe oyanolaki ngai, Ee Yehova Nzambe na ngai.+
16 Mpo nalobaki ete: “Básepela te na mpasi na ngai;To bámitombola te likoló na ngai soki lokolo na ngai esɛlimwi.”
17 Mpo etikalaki moke nakwea,Mpe nazalaki na mpasi ntango nyonso.+
18 Nayambolaki libunga na ngai;+Natungisamaki mpo na lisumu na ngai.+
19 Kasi banguna na ngai bazali na makasi* mpe na nguya,*Baoyo bazali koyina ngai kaka mpamba bakómi ebele.
20 Bazongiselaki ngai mabe mpo na malamu;Bazalaki koluka kopekisa ngai mpo nakoba te kosala oyo ezali malamu.
21 Ee Yehova, kosundola ngai te.
Ee Nzambe, kozala mosika na ngai te.+
22 Yaká noki kosalisa ngai,Ee Yehova, lobiko na ngai.+
Maloba na nse
^ To, “mpo ezongisa na makanisi.”
^ Lil., “Eteni ata moko te ya malamu ezali na nzoto na ngai.”
^ To, “mayina.”
^ Lil., “Bangɛi na ngai ezali kozika mpenza.”
^ To, “nakimela.”
^ To, “na koganga makasi.”
^ To, “kokimela.”
^ Lil., “bomoi.”
^ To mbala mosusu, “Kasi banguna na ngai bazali ebele kozanga ntina.”
