Nzembo 33:1-22
33 Bóganga na esengo mpo na Yehova, bino bato ya sembo.+
Ebongi mpenza ete bato malamu básanzola ye.
2 Bópesa Yehova matɔndi na nzɛnzɛ;Bóyemba* mpo na kosanzola ye na ebɛtɛlo ya nsinga zomi.
3 Bóyembela ye loyembo ya sika;+Bóbɛta nsinga malamu, nzela moko na koganga ya esengo.
4 Mpo liloba ya Yehova ezali sembo,+Mpe nyonso oyo asalakaebongi kotyelama motema.
5 Ye alingaka boyengebene mpe bosembo.+
Mabele etondi na bolingo ya sembo ya Yehova.+
6 Likoló esalemaki na liloba ya Yehova,+Mpe eloko nyonso oyo ezali na likoló* esalemaki na mpema* ya monɔkɔ na ye.
7 Ye asangisaka mai ya mbu esika moko lokola bifelo;+Atyaka mai oyo etomboki na bandako ya kobomba biloko.
8 Bato nyonso ya mabele bábanga Yehova.+
Bato nyonso oyo bafandi na mabele oyo ebotaka bázala na nsɔmɔ na ye.
9 Mpo alobaki, mpe eloko nyonso ezalisamaki;+Apesaki mitindo, mpe yango etɛlɛmaki bongo.+
10 Yehova abebisi mayele mabe* ya bikólo;+Abebisi makanisi* ya bato ya bikólo.+
11 Kasi bikateli* ya Yehova ekotikala mpo na libela;+Makanisi ya motema na ye ezali mpo na libota na libota.
12 Esengo na ekólo oyo Yehova azali Nzambe na yango,+Bato oyo ye aponi bázala eloko na ye moko.+
13 Yehova atalaka na nse uta na likoló;Amonaka bana nyonso ya bato.+
14 Uta na esika oyo afandaka,Atalatalaka bato oyo bafandi na mabele.
15 Azali kobongisa mitema na bango nyonso;Azali kotalatala misala na bango nyonso.+
16 Kozala na limpinga monene elingi koloba te ete mokonzi akobikisama;+Kozala na nguya mingi elingi koloba te ete moto ya nguya akobikisama.+
17 Kotya motema te ete mpunda ekosalisa yo olonga etumba; okomikosa.+Nguya na yango monene te nde ekobikisa.
18 Talá! Liso ya Yehova etalaka baoyo babangaka ye,+Baoyo bazelaka bolingo na ye ya sembo,
19 Mpo na kobikisa bango*na liwaMpe kobatela bango na bomoi na ntango ya nzala.+
20 Tozali* kozela Yehova.
Ye azali mosungi na biso mpe nguba na biso.+
21 Mitema na biso esepelaka na ye,Mpo totyelaka nkombo na ye mosantu motema.+
22 Ee Yehova, tiká bolingo na yo ya sembo ezala likoló na biso,+Wana tozali kokobakozela yo.+
Maloba na nse
^ To, “Bóbɛta miziki.”
^ Lil., “limpinga na yango nyonso.”
^ To, “elimo.”
^ To, “myango.”
^ To, “toli.”
^ To, “toli.”
^ To, “molimo na bango.”
^ To, “Molimo na biso ezali.”
