Nzembo 89:1-52
Maskile.* Ya Etane+ Moezera.
89 Nakoyemba mpo na libela makambo oyo ezali komonisa bolingo ya sembo ya Yehova.
Na monɔkɔ na ngai, nakoyebisa bosembo na yo libota na libota.
2 Mpo nalobi ete: “Bolingo ya sembo ekoumela* mpo na libela,+Opiki makasi bosembo na yo na likoló.”
3 “Nasali kondimana na moto oyo ngai naponá;+Nalapeli Davidi mosaleli na ngai ndai:+
4 ‘Nakopika makasi libota*+ na yo mpo na libela,Mpe nakosala ete bokonzi* na yo eumela libota na libota.’”+ (Sela)
5 Ee Yehova, likoló ekumisaka misala na yo ya kokamwa,Ɛɛ, bosembo na yo na lisangá ya basantu.
6 Mpo nani akokani na Yehova na likoló oyo etondi na mapata?+
Nani kati na bana ya Nzambe azali lokola Yehova?+
7 Etuluku* ya basantu ebangaka Nzambe mpe epesaka ye limemya;+Azali monene mpe nsɔmɔ koleka baoyo nyonso bazali zingazinga na ye.+
8 Ee Yehova Nzambe ya mampinga,Ee Yah, nani azali na nguya lokola yo?+
Bosembo na yo ezingi yo.+
9 Ozali na bokonzi likoló ya kotomboka ya mbu;+Ntango mbonge na yango ezali kotombwama, ofandisaka yango nyɛɛ.+
10 Yo olongi mpenza Rahaba,+ obomi yango.+
Na nguya ya lobɔkɔ na yo, opanzi banguna na yo.+
11 Likoló ezali ya yo, mpe mabele ezali ya yo;+Mabele oyo ebotaka mpe biloko nyonso oyo etondi wana,+ yo moto osalaki yango.
12 Nɔrdi ná sudi, yo moto ozalisaki yango;Ngomba Tabore+ ná Ngomba Heremone+ ezali kosanzola nkombo na yo na esengo nyonso.
13 Lobɔkɔ na yo ezali na nguya;+Lobɔkɔ na yo ezali makasi;+Lobɔkɔ na yo ya mobali etombolami.+
14 Boyengebene mpe bosembo ezali moboko ya kiti na yo ya bokonzi;+Bolingo ya sembo mpe bosembo ezali liboso na yo.+
15 Esengo na bato oyo bazali kosanzola yo na mongongo ya esengo.+
Ee Yehova, bazali kotambola na pole ya elongi na yo.
16 Mpo na nkombo na yo bazali na esengo mokolo mobimba,Mpe na bosembo na yo batombwami.
17 Mpo yo ozali nkembo mpe makasi na bango,+Lokola opamboli biso, makasi na biso ezali kobakisama.*+
18 Mpo nguba na biso euti epai ya Yehova,Mpe mokonzi na biso auti epai ya Mosantu ya Yisraele.+
19 Na ntango yango olobelaki bato na yo ya sembo na emonaneli ete:
“Napesi makasi epai ya moto ya nguya;+Natomboli moto oyo aponami na kati ya bato.+
20 Namoni Davidi mosaleli na ngai;+Natye ye mafuta na ngai mosantu.+
21 Lobɔkɔ na ngai ekosalisa ye,+Mpe lobɔkɔ na ngai ekopesa ye makasi.
22 Monguna ata moko te akosɛnga ye afuta mpako,Mpe moto ata moko te ya kozanga bosembo akonyokola ye.+
23 Mpe nakobukabuka banguna na ye liboso na ye+Mpe nakobɛtabɛta baoyo bayinaka ye.+
24 Bosembo mpe motema boboto* na ngai ezali elongo na ye,+Mpe na nkombo na ngai makasi na ye ekobakisama.*
25 Nakotya lobɔkɔ* na ye likoló ya mbuMpe lobɔkɔ na ye ya mobali likoló ya bibale.+
26 Akobelela ngai ete: ‘Ozali Tata na ngai,Nzambe na ngai mpe Libanga ya lobiko na ngai.’+
27 Nakotya ye lokola mwana ya liboso,+Lokola moto oyo aleki bakonzi nyonso ya mabele.+
28 Nakobatela bolingo ya sembo mpo na libela,+Mpe kondimana na ngai ná ye ekosila te.+
29 Nakopika mpo na libela libota* na yeMpe nakosala ete kiti na ye ya bokonzi eumela lokola likoló.+
30 Soki bana na ye batiki mobeko na ngaiMpe batamboli te na kolanda bikateli na ngai ya lisambisi,
31 Soki babuki mibeko na ngaiMpe batosi te mitindo na ngai,
32 Nakopesa bango etumbu na lingenda mpo na kozanga botosi* na bango+Mpe nakobɛta bango fimbo mpo na libunga na bango.
33 Kasi nakotika te bolingo na ngai ya sembo epai na ye+Mpe na kobuka lokuta te mpo na elaka na ngai.*
34 Nakobebisa te kondimana na ngai+Mpe nakobongola te likambo oyo mbɛbu na ngai elobi.+
35 Na bosantu na ngai, nalapi ndai mpo na libela;Nakokosa Davidi te.+
36 Libota* na ye ekoumela libela;+Kiti na ye ya bokonzi ekoumela lokola moi liboso na ngai.+
37 Lokola sanza, yango ekopikama makasi mpo na libelaLokola motatoli ya sembo na likoló oyo etondi na mapata.” (Sela)
38 Kasi yo moko oboyi mpe obwaki ye;+Osilikeli moto na yo oyo atyami mafuta.
39 Otyoli kondimana oyo osalaki ná mosaleli na yo;Okómisi motole na ye eloko mpamba ndenge obwaki yango na mabele.
40 Obuki bifelo na ye nyonso ya mabanga;*Obebisi mapango na ye ya makasi.
41 Baoyo nyonso bazali koleka pene na ye bapunzi ye;Azali eloko ya kosambwisa na miso ya bato oyo bafandi penepene na ye.+
42 Osali ete banguna na ye bálonga;*+Osepelisi banguna na ye nyonso.
43 Lisusu, ozongisi mopanga na ye nsima,Mpe osali ete alonga te na etumba.
44 Osukisi nkembo na yeMpe obwaki kiti na ye ya bokonzi na mabele.
45 Osali ete akóma mobange nokinoki;Olatisi ye nsɔni. (Sela)
46 Ee Yehova, tii ntango nini okomibomba? Mpo na libela?+
Nkanda na yo ya makasi ekokoba nde kopela lokola mɔtɔ?
47 Kanisá ndenge bomoi na ngai ezali mokuse!+
Ozalisaki bato nyonso kaka mpamba?
48 Mobali nani oyo akoki kozala na bomoi mpe komona liwa te?+
Akoki nde kobikisa bomoi* na ye na nguya ya Nkunda?* (Sela)
49 Ee Yehova, wapi misala na yo ya kala ya bolingo ya sembo,Oyo olapelaki Davidi ndai na bosembo na yo?+
50 Ee Yehova, kanisá ndenge basaleli na yo bazali kotyolama;Kanisá ndenge nasengeli kokanga motema na* kotyola ya bato ya bikólo nyonso;
51 Ee Yehova, ndenge banguna na yo bazali kofinga;Ndenge bazali kofinga moto na yo oyo atyami mafuta epai nyonso azali kokende.
52 Yehova asanzolama mpo na libela. Amen mpe Amen.+
Maloba na nse
^ Talá Ndimbola ya maloba.
^ To, “ekopikama makasi.”
^ Lil., “momboto.”
^ Lil., “kiti ya bokonzi.”
^ To, “Liyangani.”
^ Lil., “liseke na biso ezali kotombwama.”
^ To, “bolingo ya sembo.”
^ Lil., “liseke na ye ekotombwama.”
^ To, “bokonzi.”
^ Lil., “momboto.”
^ To, “botomboki.”
^ Lil., “nakobuka lokuta te mpo na bosembo na ngai.”
^ Lil., “Momboto.”
^ To, “bisika na ye ya libateli ya mabanga.”
^ Lil., “Otomboli lobɔkɔ ya mobali ya banguna na ye.”
^ To, “molimo.”
^ Lil., “na lobɔkɔ ya Sheole,” elingi koloba, nkunda ya bato nyonso. Talá Ndimbola ya maloba.
^ Lil., “komema na ntolo na ngai.”
