Nzembo 15:1-5

  • Nani akoki kobengisama na hema ya Yehova?

    • Moto oyo alobaka solo na motema na ye (2)

    • Akoselaka bato makambo te (3)

    • Akokisaka elaka na ye ata soki ekosala ye mpasi (4)

Mondule ya Davidi. 15  Ee Yehova, nani okoki kobengisa na hema na yo? Nani akofanda na ngomba na yo mosantu?+  2  Moto oyo atosaka Nzambe ntango nyonso,+Oyo asalaka makambo oyo ezali sembo+Mpe oyo alobaka solo na motema na ye.+  3  Akoselaka bato makambo te,*+Asalelaka mozalani na ye eloko moko te ya mabe,+Mpe abebisaka lokumu ya baninga na ye te.*+  4  Aboyaka moto nyonso ya mpambampamba,+Kasi akumisaka baoyo babangaka Yehova. Soki alaki likambo moko,* akokisaka yango, ata soki ekoki kobimisela ye mokakatano.+  5  Adefisaka mbongo na ye mpo na kozwa benefisi te,+Mpe azwaka kanyaka te mpo na kokweisa moto oyo asali likambo te.+ Moto nyonso oyo asalaka makambo wana akokwea ata moke te.*+

Maloba na nse

^ Lil., “Akoselaka bato makambo te na lolemo na ye.”
^ To, “Ayokisaka baninga na ye nsɔni te.”
^ Lil., “asali elako.”
^ To, “akotengatenga ata moke te.”
BIBLIA - LIBONGOLI YA MOKILI YA SIKA
Nzembo 15
Lingala
Tángá Biblia na Internet
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg

Lotomo mpo na mokanda oyo