Nzembo 96:1-13
96 Bóyembela Yehova loyembo ya sika.+
Bóyembela Yehova, mabele mobimba!+
2 Bóyembela Yehova; bósanzola nkombo na ye.
Mokolo na mokolo, bósakola nsango malamu ya lobiko na ye.+
3 Bósakola nkembo na ye na kati ya bikólo,Misala na ye ya kokamwa na kati ya bato ya bikólo nyonso.+
4 Yehova azali monene mpe abongi kosanzolama mingi mpenza.
Azali nsɔmɔ koleka banzambe mosusu nyonso.
5 Banzambe nyonso ya bato ya bikólo bazali banzambe ya mpambampamba,+Kasi Yehova nde asalá likoló.+
6 Bonene* mpe nkembo ezali liboso na ye;+Bokasi mpe kitoko ezali na esika mosantu na ye.+
7 Bópesa Yehova oyo ebongi na ye, bino mabota ya bato ya bikólo,Bópesa Yehova oyo ebongi na ye, mpo na nkembo mpe bokasi na ye.+
8 Bópesa Yehova nkembo oyo ebongi na nkombo na ye;+Bómema likabo mpe bókɔta na mapango na ye.
9 Bógumbamela* Yehova, na bilamba ya monzɛlɛ ya bosantu;*Bólɛnga liboso na ye, mabele mobimba!
10 Bósakola na kati ya bikólo ete: “Yehova akómi Mokonzi!+
Mabele* epikami makasi, ekoki koningana te.*
Akosambisa* bato na bosembo.”+
11 Likoló esepela, mpe mabele ezala na esengo;Mbu eganga lokola nkake mpe biloko nyonso oyo etondisi yango;+
12 Esobe ná biloko nyonso oyo ezali kuna esepela.+
Kaka na ntango yango, nzete nyonso ya zamba eganga na esengo+
13 Liboso ya Yehova, mpo azali koya,*Azali koya kosambisa mabele.
Akosambisa na boyengebene bato oyo bafandi na mabele*+Mpe na bosembo na ye bato ya bikólo.+
