Nzembo 132:1-18
Loyembo ya ntango ya komata.
132 Ee Yehova, kanisá Davidi,Mpe mpasi na ye nyonso;+
2 Ndenge alapelaki Yehova ndai,Ndenge asalaki elako epai ya Moto ya Nguya ya Yakobo:+
3 “Nakokɔta te na hema na ngai, ndako na ngai.+
Nakolala te na kiti na ngai ya mpɔngi, mbeto na ngai,
4 Nakotika te ete miso na ngai ekangama,Mpe nakolala te,
5 Tii nakozwela Yehova esika,Esika ya kofanda ya kitoko* mpo na Moto ya Nguya ya Yakobo.”+
6 Talá! Toyoki yango na Efrata;+Tomoni yango na zamba.+
7 Tókɔta na esika na ye ya kofanda;*+Tógumbama na ebonga ya makolo na ye.+
8 Tɛlɛmá, Ee Yehova, oya na esika na yo ya kopema,+Yo ná Sanduku ya bokasi na yo.+
9 Banganga-nzambe na yo bálata bosembo,*Mpe bato na yo ya sembo báganga na esengo.
10 Mpo na Davidi mosaleli na yo,Koboya te* moto na yo oyo atyami mafuta.+
11 Yehova alapeli Davidi ndai,Ya solo akobongola liloba na ye te:
“Nakotya moko ya bato ya libota na yo*Na kiti na yo ya bokonzi.+
12 Soki bana na yo babateli kondimana na ngaiMpe makundoli na ngai oyo nazali koteya bango,+Bana na bango mpe bakofandaNa kiti na yo ya bokonzi mpo na libela.”+
13 Yehova aponá Siona;+Asepelá na yango mpo ezala esika na ye ya kofanda:+
14 “Oyo nde esika na ngai ya kopema mpo na libela;Nakofanda awa,+ mpo nasepeli na yango.
15 Nakopambola mpenza biloko na yango ya kolya.Nakopesa mpenza babola na yango mampa.+
16 Nakolatisa banganga-nzambe na yango lobiko;+Mpe bato na yango ya sembo bakoganga mpenza na esengo.+
17 Kuna nakobakisa makasi* ya Davidi.
Nabongisi mwinda mpo na moto na ngai oyo atyami mafuta.+
18 Nakolatisa banguna na ye nsɔni;Kasi motole oyo ezali na motó na ye, ekongɛnga.”+
