Nzembo 143:1-12

  • Kozala na mposa makasi ya Nzambe lokola mokili oyo ekauká

    • ‘Nakanisi na mozindo mpenza misala na yo’ (5)

    • “Teyá ngai ndenge ya kosala mokano na yo” (10)

    • ‘Elimo na yo ya malamu ekamba ngai’ (10)

Mondule ya Davidi. 143  Ee Yehova, yoká libondeli na ngai;+Yoká lilɔmbɔ na ngai mpo na kosɛnga lisalisi. Na bosembo na yo mpena boyengebene na yo, yanolá ngai.   Mpe kosamba na mosaleli na yo te,Mpo moto moko te ya bomoi akoki kozala sembo liboso na yo.+   Mpo monguna alandi ngai;Anyatinyati bomoi na ngai na mabele. Asali ete nafanda na esika ya molili lokola baoyo bakufá kala.   Makasi* na ngai ezali kosila;+Motema na ngai etungisami.+   Nakanisi mikolo ya kalakala;Namanyoli mosala na yo nyonso;+Nakanisi na mozindo mpenza* mosala ya mabɔkɔ na yo.   Natandi mabɔkɔ na ngai epai na yo;Nazali lokola mokili ekauká oyo ezali kozela yo opesa yango mai.+ (Sela)   Ee Yehova, yanolá ngai nokinoki;+Makasi* na ngai ekómi na nsuka.+ Kobombela ngai elongina yo te,+Soki te nakokóma lokola baoyo bazali kokita na libulu.*+   Na ntɔngɔ, lakisá ngai bolingo na yo ya sembo,Mpo natyeli yo motema. Salá ete nayeba nzela oyo nazali kotambola,+Mpo nabaluki epai na yo.*   Ee Yehova, bikisá ngai na banguna na ngai. Nazali koluka libateli epai na yo.+ 10  Teyá ngai ndenge ya kosala mokano na yo,+Mpo ozali Nzambe na ngai. Elimo na yo ezali malamu;Ekamba ngai na mokili ya bosembo. 11  Mpo na nkombo na yo,Ee Yehova, batelá ngaina bomoi. Na bosembo na yo, bikisá ngai na mpasi.+ 12  Mpo na bolingo na yo ya sembo, sukisá bangunana ngai;*+Bebisá baoyo nyonso bazali kotungisa ngai,+Mpo nazali mosaleli na yo.+

Maloba na nse

Lil., “Elimo.”
To, “Nayekoli.”
To, “nkunda.”
Lil., “Elimo.”
To, “Mpo natomboli molimo na ngai epai na yo.”
Lil., “kangisá banguna na ngai monɔkɔ.”