Nzembo 85:1-13
Mpo na mokambi ya nzembo. Mondule ya bana ya Kora.+
85 Ee Yehova, yo omoniseli mokili na yo boboto;+Ozongisi bato ya Yakobo oyo bazalaki bakangami.+
2 Olimbisi libunga ya bato na yo;Olimbisi* lisumu na bango nyonso.+ (Sela)
3 Opekisi nkanda na yo nyonso ya kongala;Otiki nkanda na yo makasi.+
4 Ee Nzambe ya lobiko na biso, zongisá biso,Mpe tyá nkanda na yo pembeni.+
5 Okosilikela biso mpo na libela?+
Okoumisa nkanda na yo libota na libota?
6 Okopesa biso bomoi lisusu teMpo bato na yo básepela na yo?+
7 Ee Yehova, moniselá biso bolingo na yo ya sembo,+Mpe pesá biso lobiko na yo.
8 Nakoyoka oyo Yehova Nzambe ya solo alobi,Mpo akolobela kimya epai ya bato na ye,+ epai ya bato na ye ya sembo,Kasi bázongela te komityela motema.+
9 Ya solo, lobiko na ye ezali pene na baoyo babangaka ye,+Mpo nkembo na ye efanda na mokili na biso.
10 Motema boboto* mpe bosembo ekokutana;Boyengebene mpe kimya ekopesana lipwɛpwɛ.+
11 Bosembo ekobima na mabele,Mpe uta na likoló, boyengebene ekotala na nse.+
12 Ya solo, Yehova akopesa oyo ezali malamu,*+Mpe mokili na biso ekopesa mbuma na yango.+
13 Boyengebene ekotambola liboso na ye,+Mpe ekosala nzela mpo na matambe na ye.
