Nzembo 5:1-12
Epai ya mokambi ya nzembo, mpo na Nehilote.* Mondule ya Davidi.
5 Yoká maloba na ngai, Ee Yehova;+Tyá likebi na kolelalela na ngai.
2 Tyá likebi na kolela na ngai mpo na kosɛnga lisalisi,Ee Mokonzi na ngai mpe Nzambe na ngai, mpo yo nde nazali kobondela.
3 Ee Yehova, okoyoka mongongo na ngai na ntɔngɔ;+Na ntɔngɔ nakoyebisa yo likambo oyo ezali kotungisa ngai+ mpe nakozela na mposa makasi.
4 Mpo ozali Nzambe oyo asepelaka na mabe te;+Moto moko te ya mabe akoki kotikala epai na yo.+
5 Moto moko te ya lolendo akoki kotɛlɛma liboso na yo.
Oyinaka baoyo nyonso basalaka makambo ya mabe;+
6 Okoboma baoyo balobaka lokuta.+
Yehova ayinaka bato ya mobulu mpe baoyo bakosaka.*+
7 Kasi nakokɔta na ndako na yo+ mpo na bolingo na yo ya sembo;*+Nakogumbama natali ngámbo ya tempelo na yo mosantu mpo na kobanga yo.+
8 Ee Yehova, kambá ngai na kati ya bosembo na yo, mpo na banguna na ngai;Longolelá ngai mabaku na nzela na yo.+
9 Mpo likambo moko te oyo bazali koloba ekoki kotyelama motema;Makanisi na bango etondi na mabe;Mongongo na bango ezali lilita ya polele;Lolemo na bango etondi na maloba sukali.+
10 Kasi Nzambe akotánga bango ete bazali na ngambo;Mayele na bango moko ya mabe nde ekokweisa bango.+
Tiká ete bábengana bango mpo na makambo na bango ebele ya kobuka mibeko,Mpo batombokelaki yo.
11 Kasi baoyo nyonso bazali kokima epai na yo bakosepela;+Bakoganga na esengo ntango nyonso.
Okokanga nzela ya kokóma epai na bango,Mpe baoyo balingaka nkombo na yo bakosepela na yo.
12 Mpo okopambola moto nyonso oyo azali sembo,* Ee Yehova;Okozinga bango na kondimama na yo lokola na nguba monene.+
Maloba na nse
^ Talá Ndimbola ya maloba.
^ To, “moto oyo asopaka makila mpe oyo akosaka.”
^ To, “bolingo ya sembo na yo monene.”
^ To, “moyengebene.” Talá Ndimbola ya maloba.
