Nzembo 11:1-7

  • Kokima epai ya Yehova

    • “Yehova azali na kati ya tempelo na ye mosantu” (4)

    • Nzambe ayinaka moto nyonso oyo alingaka mobulu (5)

Epai ya mokambi ya nzembo. Loyembo ya Davidi. 11  Nakimi epai ya Yehova.+ Ndenge nini bokoki koloba na ngai:* “Kimá na ngomba na yo lokola ndɛkɛ!  2  Talá ndenge bato mabe bazali kogumba litimbo;Bazali kobongisa likula na bango na nsinga ya litimbo,Mpo, uta na molili, bábwakela yango bato oyo bazali na motema sembo.  3  Ntango miboko ya bosembo ebukani,Moto ya sembo akoki kosala nini?”  4  Yehova azali na kati ya tempelo na ye mosantu.+ Kiti ya bokonzi ya Yehova ezali na likoló.+ Miso na ye emonaka, miso na ye oyo etalaka na likebi* ezali kotalatala bana ya bato.+  5  Yehova atalatalaka moto malamu* ná moto mabe;+Ye ayinaka* moto oyo alingaka mobulu.+  6  Akonɔkisela bato mabe mitambo;*Mɔtɔ ná sufulu+ mpe mopɛpɛ ya kozikisa ekozala mbano na bango.  7  Mpo Yehova azali sembo;+ alingaka misala ya bosembo.+ Bato oyo bazali sembo bakomona elongi na ye.*+

Maloba na nse

^ To, “molimo na ngai.”
^ To, “ya kongɛnga.”
^ To, “Molimo na ye eyinaka.”
^ To, “moyengebene.” Talá Ndimbola ya maloba.
^ To mbala mosusu, “makala ya mɔtɔ.”
^ To, “bakomona boboto na ye.”
BIBLIA - LIBONGOLI YA MOKILI YA SIKA
Nzembo 11
Lingala
Tángá Biblia na Internet
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg

Lotomo mpo na mokanda oyo