Nzembo 50:1-23
Mondule ya Asafe.+
50 Nzambe ya banzambe, Yehova,*+ alobi;Abengisi bafandi nyonso ya mabeleBanda epai moi ebimaka tii epai yango elalaka.*
2 Uta na Siona, kitoko ya kokoka,+ Nzambe azali kongɛnga.
3 Nzambe na biso akoya mpe akokoka kofanda nyɛɛ te.+
Mɔtɔ oyo ezikisaka ezali liboso na ye,+Mpe mopɛpɛ moko makasi ezali kobɛta zingazinga na ye.+
4 Azali kobengisa likoló mpe mabele,+Mpo na kosambisa bato na ye:+
5 “Bóyanganisa epai na ngai bato na ngai ya sembo,Baoyo bazali kosala kondimana na ngai na nzela ya mbeka.”+
6 Likoló ezali koyebisa bosembo na ye,Mpo Nzambe ye moko azali Mosambisi.+ (Sela)
7 “Yoká, Ee ekólo na ngai, mpe nakoloba;Yisraele, nakolakisa mabe na yo.+
Nazali Nzambe, Nzambe na yo.+
8 Nazali kopamela yo te mpo na bambeka na yo,Ezali mpe te mpo na makabo na yo ya kotumba mobimba oyo ezali liboso na ngai ntango nyonso.+
9 Nazali na mposa te ya kozwa ngɔmbɛ-mobali na ndako na yo,To bantaba* na mapango na yo.+
10 Mpo nyama nyonso oyo ezali na zamba ezali ya ngai,+Ata banyama likoló ya bangomba nkóto.
11 Nayebi ndɛkɛ nyonso ya bangomba;+Ebele ya banyama ya esobe ezali ya ngai.
12 Soki nazalaki na nzala, nalingaki koyebisa yo yango te,Mpo mabele oyo ebotaka mpe biloko na yango nyonso ezali ya ngai.+
13 Nakolya nde mosuni ya bangɔmbɛ-mibaliMpe nakomɛla nde makila ya bantaba?+
14 Pesá Nzambe matɔndi, yango nde mbeka na yo,+Mpe kokisá bilako na yo epai ya Oyo-Aleki-Likoló;+
15 Bengá ngai na ntango ya mpasi.+
Nakobikisa yo, mpe yo okopesa ngai nkembo.”+
16 Kasi Nzambe akoloba na moto mabe ete:
“Lotomo nini ozali na yango mpo otánga malako na ngai,+To olobela kondimana na ngai?+
17 Mpo yo oyinaka disiplini,*Mpe ozali kaka kopesa maloba na ngai mokɔngɔ.*+
18 Ntango omoni moyibi, ondimi ye,*+Mpe ozali kaka kosala boninga na bato ya ekobo.
19 Ozali kosalela monɔkɔ na yo mpo na kopalanganisa mabe,Mpe ozali kokangisa lolemo na yo na bokosi.+
20 Ozali kofanda mpe koloba mabe mpo na ndeko na yo;+Ozali kobimisa mabunga ya* mwana mobali ya mama na yo.
21 Ntango osalaki makambo wana, nafandaki nyɛɛ.Okanisaki ete nakozala lokola yo.
Kasi sikoyo nakopamela yo,Mpe nakobimisa makambo oyo nazali na yango mpo na yo.+
22 Nabondeli bino, bókanisa likambo oyo, bino baoyo bobosani Nzambe,+Noki te napasola bino bitenibiteni mpe moto oyo akobikisa bino azala te.
23 Moto oyo azali kopesa matɔndi mpo ezala mbeka na ye, azali kopesa ngai nkembo,+Mpe moto oyo azali kokoba kosala oyo ezali malamu,Nakomonisa ye lobiko ya Nzambe.”+
