Nzembo 62:1-12
Epai ya mokambi ya nzembo; ya Yedutune.* Mondule ya Davidi.
62 Ɛɛ, nazali* kozela Nzambe na kimya.
Lobiko na ngai ekouta epai na ye.+
2 Ɛɛ, ye azali libanga na ngai mpe lobiko na ngai, esika makasi na ngai ya kobombana;*+Nakokwea mpenza te.+
3 Tii ntango nini bokokoba kobundisa moto mpo bóboma ye?+
Bino nyonso bozali kobangisa lokola efelo oyo etɛngami, efelo ya mabanga oyo elingi kokwea.*
4 Bazali koyokana mpo na kolongola ye na esika na ye ya lokumu;Basepelaka na lokuta.
Na monɔkɔ na bango bazali kopambola, kasi na motema na bango bazali kolakela mabe.+ (Sela)
5 Ɛɛ, nazali kozela* na kimya nyonso Nzambe asala,+Mpo elikya na ngai eutaka epai na ye.+
6 Ɛɛ, ye azali libanga na ngai mpe lobiko na ngai, esika makasi na ngai ya kobombana;Nakokwea ata moke te.+
7 Lobiko na ngai mpe nkembo na ngai eutaka epai ya Nzambe.
Libanga na ngai ya makasi, esika na ngai ya kokima, ezali Nzambe.+
8 Ee bino bato, bótyela ye motema ntango nyonso.
Bófungolela ye mitema na bino.*+
Nzambe azali esika na biso ya kokima.+ (Sela)
9 Bana ya bato bazali lokola mwa mopɛpɛ,Bana ya bato bazali lokola ndɔtɔ mpamba.+
Soki batye bango nyonso elongo na emekeli-kilo, bakoleka ata mopɛpɛ te na kilo.+
10 Bótya motema te na kobɔtɔla mpo na kokóma bazwi,Mpe bótya te elikya ya lokuta na moyibi mpo na kokóma na bomɛngo.
Soki bomɛngo na bino ebakisami, bótyela yango motema te.+
11 Nzambe alobi mbala moko, mpe na mbala ya mibale nayoki likambo oyo:
Makasi ezali ya Nzambe.+
12 Lisusu, bolingo ya sembo ezali ya yo, Ee Yehova,+Mpo ozongiselaka moto na moto na kolanda misala na ye.+
Maloba na nse
^ Talá Ndimbola ya maloba.
^ To, “molimo na ngai ezali.”
^ To, “esika na ngai ya kobombana oyo etombwaná.”
^ To mbala mosusu, “Bino nyonso bozali kosala bongo, lokola nde azali efelo oyo etɛngami, efelo ya mabanga oyo elingi kokwea.”
^ To, “Ee molimo na ngai, zelá.”
^ To, “Bósopela ye mitema na bino.”
