Nzembo 110:1-7

  • Mokonzi mpe nganga-nzambe lokola Melekisedeke

    • ‘Yangelá na katikati ya banguna na yo’ (2)

    • Bilenge bamipesaka na bolingo na bango moko lokola matangá ya mamwɛ (3)

Mondule ya Davidi. 110  Yehova alobaki na Nkolo na ngai ete: “Fandá na lobɔkɔ na ngai ya mobali+Tii nakotya banguna na yo lokola ebonga ya makolo na yo.”+  2  Yehova akotya lingenda na ye ya makasi uta na Siona, na maloba oyo: “Kende na katikati ya banguna na yo mpe konzá bango.”+  3  Bato na yo bakomipesa na bolingo na bango moko na mokolo oyo okokamba limpinga ya basoda na yo na etumba.* Na nkembo mingi ya bosantu,Ozali na etuluku na yo ya bilenge lokola matangá ya mamwɛ* ya kotana ya ntɔngɔ.  4  Yehova alapi ndai mpe akobongola makanisi na ye te:* “Ozali nganga-nzambe libela na libela+Lokola Melekisedeke!”+  5  Yehova akozala na lobɔkɔ na yo ya mobali;+Akobukabuka bakonzi na mokolo ya nkanda na ye.+  6  Akopesa etumbu na kati ya bikólo;+Akotondisa mokili na bibembe.+ Akobukabuka nkumu* ya mokili monene.*  7  Akomɛla* mai ya mokɛli na nzela. Yango wana akotombola motó na ye likoló.

Maloba na nse

^ To, “na mokolo oyo okoyanganisa limpinga ya basoda na yo.”
^ Matangá ya mai oyo ezalaka na milona na ntɔngɔntɔngɔ.
^ To, “akoyoka mawa te.”
^ Lil., “motó.”
^ To, “ya mabele mobimba.”
^ Ezali komonisa “Nkolo na ngai” oyo ezali na v. 1.

Lotomo mpo na mokanda oyo