Nzembo 84:1-12
Mpo na mokambi ya nzembo; na Gitite.* Mondule ya bana ya Kora.+
84 Tabernakle na yo monene ezali kitoko mpenza,*+Ee Yehova ya mampinga!
2 Mobimba* na ngai nyonso ezali na mposa makasi,Ɛɛ, nazali na mposa makasi ya mapango ya ndako ya Yehova.+Motema na ngai mpe mosuni na ngai
Ezali koganga na esengo mpo na Nzambe ya bomoi.
3 Ata ndɛkɛ mpe ezwi ndako kunaMpe nyampeke emisaleli zumbu* na yango,Epai ebatelaka bana na yangoPembeni ya etumbelo na yo monene, Ee Yehova ya mampinga,Mokonzi na ngai mpe Nzambe na ngai!
4 Esengo na baoyo bazali kofanda na ndako na yo!+
Basanzolaka yo ntango nyonso.+ (Sela)
5 Esengo na bato oyo bazwaka makasi epai na yo,+Baoyo mposa ya motema na bango ezali na banzela oyo ezali komema na ndako na yo.
6 Ntango bazali koleka na Lobwaku ya mwa banzete ya Baka,Bakómisi yango esika ya maziba;Mpe mbula ya ebandeli elatisi yango* na mapamboli.
7 Bakotambola kasi makasi na bango ekosila te+Mokomoko azali kobima liboso ya Nzambe na Siona.
8 Ee Yehova Nzambe ya mampinga, yoká libondeli na ngai;Yoká, Ee Nzambe ya Yakobo. (Sela)
9 Talá, nguba na biso+ mpe Nzambe na biso,*Talá elongi ya moto na yo oyo atyami mafuta.+
10 Mpo mokolo moko na ndako na yo eleki mikolo nkóto epai mosusu!+
Naponi kotɛlɛma na ekɔtelo ya ndako ya Nzambe na ngaiNa esika nafanda na bahema ya bato mabe.
11 Mpo Yehova Nzambe azali moi+ mpe nguba;+Apesaka boboto mpe nkembo.
Yehova akoboya te kopesa eloko moko ya malamuNa baoyo bazali kotambola na bosembo.+
12 Ee Yehova ya mampinga,Esengo na moto oyo azali kotyela yo motema.+
