Jue Mun 97:1-12
97 Zoova w’a kaci Famiɛn!+
Maan asiɛ’n sufuɛ’m be klun jɔ.+
Maan lika nga nzue bo sin yia be’n be nunfuɛ’m be kwlaa be di aklunjɔɛ.+
2 Ɲanmiɛn ble’n nin aosin tuun’n be bo sin yiɛ i.+
I famiɛn bia’n taka sa kpa yolɛ’n nin sa nuan su sɛsɛ yolɛ’n su.+
3 Sin’n dun mmua i ɲrun,+yɛ ɔ kun i kpɔfuɛ mun bue kwlaa su.+
4 I ɲanmiɛn m’ɔ kpa sin’n ɔ kpaja mɛn’n nun.
Asiɛ’n wun i, yɛ ɔ usu.+
5 Oka’m be klo kɛ awɛma’m be sua sa Zoova ɲrun,+asiɛ wunmuan’n i Min’n i ɲrun.
6 Ɲanmiɛn m’ɔ la nglo lɔ plaii’n yi i sa nuan su sɛsɛ yolɛ’n i nglo,yɛ sran’m be kwlaa be wun i aɲrunɲan’n.+
7 Maan be kwlaa nga be sɔ ninnge nga be sɛ be’n be ɲin gua ase.+
Maan be nga be fa be ɲanmiɛn mɔ be timan like fi’n be di be nuan’n, be ɲin gua ase.+
Ɲanmiɛn mun, maan amun kwlaa amun koto i bo.*+
8 Siɔn, tie naan di aklunjɔɛ.+
Ee Zoova, Zida klɔ’m* be klun ti jɔwa,ɔ jɔlɛ mɔ a di be’n ti.+
9 Afin Zoova, wɔ mɔ a o Like Kwlaa Ti Su’n, a sie asiɛ wunmuan’n.
A o ɲanmiɛn onga’m be kwlaa be ti su.+
10 Amun mɔ amun klo Zoova’n, maan amun kpɔ sa tɛ’n.+
Ɔ sɛsɛ i sufuɛ kpa’m be nguan’n.+
Ɔ de be klunwifuɛ’m be sa nun.+
11 Kannin’n kpajali sran kpa’m be ɲrun,+yɛ aklunjɔɛ’n ti be nga be awlɛn’n ti kpa’n be liɛ.
12 Sran kpa mun, maan amun di aklunjɔɛ Zoova dunman nun,yɛ amun mɛnmɛn i dunman m’ɔ ti sanwun’n.
