Jue Mun 115:1-18
115 Ee Zoova, e nin like fi fataman, e nin like fi fataman,sanngɛ yo maan ɔdunman’n fu,+ɔ sran klolɛ dan’n, ɔ nin nanwlɛ mɔ a di’n ti.+
2 Nán maan nvlenvle’m be se kɛ:
“?Be Ɲanmiɛn’n wo nin?”+
3 E Ɲanmiɛn’n wo ɲanmiɛn su lɔ,ɔ yo like kwlaa ng’ɔ klo’n.
4 Nvlenvle’m be amuin mun’n, sika nin sika ɔkwlɛ yɛ be fa yoli be-ɔ,be ti klɔ sran sa nuan like.+
5 Be le nuan, sanngɛ be ijɔman.+
Be le ɲinma, sanngɛ be wunman ase.
6 Be le su, sanngɛ be timan sa.
Be le bue, sanngɛ be timan nvan.
7 Be le sa, sanngɛ be kwlá fa kanman like.
Be le ja, sanngɛ be kwlá nantiman.+
Nɛn fi finman be alowa’n nun fiteman.+
8 Be nga be yo amuin sɔ mun’n, bé káci kɛ be sa,+i kunngba’n yɛle be nga be lafi be su’n.+
9 Ee Izraɛli, fa ɔ wla guaZoova su.+
Ɔ ti ɔ ukafuɛ nin ɔ ɲrɛn.+
10 Ee Aarɔn i awlo nunfuɛ mun,+ amun fa amun wla gua Zoova su.
Ɔ ti amun ukafuɛ nin amun ɲrɛn.
11 Amun mɔ an sro Zoova’n, amun fa amun wla gua Zoova su.+
Ɔ ti amun ukafuɛ nin amun ɲrɛn.+
12 Zoova i wla kpɛ́n e su, yɛ ɔ́ yrá e su,ɔ́ yrá Izraɛli i awlo’n su,+ɔ́ yrá Aarɔn i awlo’n su.
13 Ɔ́ yrá be nga be sro Zoova’n be su,ɔ́ yrá be nga be leman ɲrun’n, ɔ nin be nga be le ɲrun’n* be su.
14 Zoova wá yó maan amún trɛ́,amun nin amun mma mun.*+
15 Maan Zoova yra amun su,+i m’ɔ ti nglo nin asiɛ’n be Yifuɛ’n.+
16 Ɲanmiɛn su lɔ’n ti Zoova liɛ,+sanngɛ ɔ fali asiɛ’n mannin klɔ sran mun.+
17 Be nga b’a wu’n be manmanman Ya.+
be nga be jra ndia’n nun lɔ’n be kwlá yoman sɔ.+
18 Sanngɛ é mánmán Ya.
kɛ ɔ fɛ i andɛ’n é mɛ́nmɛ́n i, yɛ é yó sɔ tititi.
An manman Ya!*
