E kan aniɛn wafawafa kpanngban kpa yɛ e finwlɛ’n ti fanunfanun, sanngɛ ninnge kunngba mun yɛ e ngba e fa e ɲin sie su ɔ. E ninnge’m be nun cinnjin kpafuɛ’n yɛle kɛ e klo kɛ é mánmán Ɲanmiɛn Zoova m’ɔ ti like kwlaa Yifuɛ’n mɔ Biblu’n kɛn i ndɛ’n. E mian e ɲin kpa e sɔnnzɔn Zezi Klisi yɛ kɛ be flɛ e Klisifuɛ’n ɔ yo e fɛ. E tinuntinun e fa blɛ titi e uka sran mun naan be si Biblu’n nin Ɲanmiɛn Sielɛ’n be su ndɛ. Kɛ mɔ e di lalo yɛle kɛ e kan Ɲanmiɛn Zoova nin i Sielɛ’n be su ndɛ’n ti’n, be flɛ e kɛ Zoova i Lalofuɛ.

Amun niannian e ɛntɛnɛti adrɛsi’n su. Amun kwla kanngan Biblu’n nun i su. Amun si e bɔbɔ nin ninnge nga e lafi be su’n be su like kpa.