E wla kpɛn Zezi i wie’n su
Afuɛ 2025, Avrili i le 12 m’ɔ ti Fue cɛn’n
Afuɛ nuan kwlaa’n Zoova i Lalofuɛ’m be yia be kle kɛ be wla kpɛn Zezi i wie’n su. Be yo i kɛ nga Zezi seli i sɔnnzɔnfuɛ’m be kɛ be yo’n sa. Ɔ seli be kɛ: “An yo i kɛ nga sa titi naan amun wla kpɛn min su.”—Liki 22:19.
É yía wɔ kɛ a trɛn i bo.
Kosan nga be ta be usa’n
?Aɲia’n dí dɔ nɲɛ?
Ɔ su traman dɔ kun.
?Nin yɛ bé yó aɲia’n niɔn?
Wun amun lɔ Zoova i Lalofuɛ’m be wun naan be kle wɔ.
?Be tannin kalɛ naan b’a trɛn i bo?
Cɛcɛ.
?Be yi cɛlɛ lɔ?
Cɛcɛ.
?Ɔ le wafa trele kun m’ɔ fata kɛ be wlawla be wun naan b’a trɛn i bo-ɔ?
Cɛcɛ ɔ leman i sɔ liɛ’n. Sanngɛ Zoova i Lalofuɛ’m be mian be ɲin be di Biblu’n nun afɔtuɛ mɔ se kɛ e wlawla e wun kpa naan nán maan e fa e wun kle’n su. (1 Timote 2:9) Ɔ nunman nun kɛ a wla tralɛ ng’ɔ le gua’n annzɛ ɔ ti uflɛuflɛ’n.
?Ngue yɛ bé yó i Wla Kpɛnlɛ Aɲia sɔ’n i bo-ɔ?
Aɲia’n i bo bolɛ nun nin i agualiɛ su’n be to jue, kpɛkun Zoova i Lalofuɛ kun srɛ Ɲanmiɛn. Like nga ti yɛ Zezi i wie’n ti cinnjin’n ɔ nin wafa nga e kwla ɲan like nga Ɲanmiɛn nin Klisi be yoli mannin e’n i su ye’n be fa Biblu’n be yiyi nun.
Sɛ a kunndɛ kɛ a si nun kpa ekun nian ndɛ “?Ngue ti yɛ wafa nga Zoova i Lalofuɛ’m be yo aɲia be kle kɛ be wla kpɛn Zezi i wie’n su’n, ɔ nin Ɲanmiɛn sulɛ wafa onga’m be liɛ’n timan kun-ɔn?”
?Blɛ onin nun yɛ bé yó e Wla Kpɛnlɛ Aɲia mun-ɔn?
Afuɛ 2025: Fue, Avrili i le 12
Afuɛ 2026: Wue, Avrili i le 2
Ninnge wie mɔ be kwla yo ɔ fɛ ekun'n
E WLA KPƐNLƐ CƐN’N
Maan e wla kpɛn Zezi i wie’n su
É yía ɔ kɛ a nin e tran aɲia cinnjin sɔ’n i bo wie. Like nga Zezi yoli’n, ɔ nin i wie’n i su ye nga a kwla ɲɛn i’n, bé wá yíyí nun.
NINNGE CINNJIN NGA BIBLU'N KLE BE'N
?Ngue ti yɛ Zezi wuli ɔ?
Biblu’n kle kɛ Zezi i wie’n ti cinnjin kpa. ?I wie’n le bo?