Jue Mun 24:1-10
-
Famiɛn m’ɔ le ɲrun’n sin anuan’m be nun
-
‘Asiɛ’n ti Zoova liɛ’ (1)
-
Davidi i jue’m be nun kun-ɔn.
24 Asiɛ’n, ɔ nin i su ninnge’n kwlaa be ti Zoova liɛ,+asiɛ’n m’ɔ yo like ye’n nin be nga be tran su’n be ti i liɛ.
2 Afin ɔ tɛkɛli i kpa jenvie’m be su,+yɛ ɔ tɛkɛli i kpa nzue ba’m be su.
3 ?Wan yɛ ɔ kwla fu Zoova i oka’n su lɔ-ɔ?+
?Wan yɛ ɔ kwla jran lika m’ɔ ti i liɛ klonglo’n nun-ɔn?
4 Sran nga i sa nunman sa tɛ nun’n, mɔ i awlɛn’n ti sanwun’n,+mɔ w’a faman min dunman’n* w’a taman ato nda’n,annzɛ w’a taman nda w’a lakaman sran mun’n niɔn.+
5 Zoova yrɛ́ i su,+i Ɲanmiɛn m’ɔ de i’n, ɔ́ bú i sran kpa.*+
6 Be nga be kunndɛ i’n be akpasua’n yɛ ɔ o lɛ-ɔ.
Ee Zakɔbu i Ɲanmiɛn, be nga be kunndɛ ɔ ɲrun’n, be yɛ be o lɛ-ɔ. (Sela)
7 Anuan mun, amun man amun ti’m be su.+
Laa anuan mun, amun tike*
naan Famiɛn m’ɔ le ɲrun’n, ɔ wlu!+
8 ?Wan yɛle Famiɛn sɔ m’ɔ le ɲrun’n?
Zoova-ɔ, ɔ le wunmiɛn, yɛ ɔ ti safuɲrɛn,+Zoova-ɔ, alɛ kunlɛ’n nun’n ɔ ti safuɲrɛn.+
9 Anuan mun, amun man amun ti’m be su.+
Laa anuan mun, amun tike
naan Famiɛn m’ɔ le ɲrun’n, ɔ wlu!
10 ?Wan yɛle Famiɛn sɔ m’ɔ le ɲrun’n?
Zoova m’ɔ ti sonja’m be su kpɛn’n niɔn, i yɛ ɔ ti Famiɛn m’ɔ le ɲrun’n niɔn.+ (Sela)
Ja ngua lɔ ndɛ mun
^ Annzɛ “min nguan’n,” Zoova i nguan mɔ sran kun fa ta nda’n i ndɛ yɛ be kan-ɔn.
^ Annzɛ “ɔ́ di i jɔlɛ nanwlɛ su.”
^ Annzɛ “amun jaso.”
