Jue Mun 2:1-12
2 ?Ngue ti yɛ nvlenvle’m be keje-ɔ??Yɛ ngue ti yɛ sran’m be bu like ng’ɔ timan like fi’n i su akunndan-ɔn?+
2 Asiɛ’n su famiɛn’m b’a jaso,yɛ mɛn siefuɛ’m be kwlaa be bo w’a yo kun+Zoova nin i sran m’ɔ kpɛli i’n* be wun.+
3 Be waan: “Maan e kpɛkpɛ be jrɔkɔ’m be nun
yɛ e yi be ɲanman mun e gua be lɔ!”
4 Sran ng’ɔ ti famiɛn bia’n su ɲanmiɛn su lɔ’n ɔ́ srí,Zoova yó be finfin.
5 Blɛ sɔ’n nun’n, ɔ́ kán ndɛ ya su klé be,yɛ i ya dan’n ti’n srɛ kún be.
6 Ɔ́ sé kɛ: “N bɔbɔ m’an sie min famiɛn’n+
Siɔn+ oka m’ɔ ti min liɛ klonglo’n su.”
7 Maan n bo ndɛ nga Zoova kannin’n i jɔ.
Ɔ seli min kɛ: “A ti min wa.+
Andɛ m’an kaci ɔ si.+
8 Sɛ a srɛ min’n, ń fá nvlenvle mun ń mán wɔ naan be kaci ɔ aja like,naan asiɛ wunmuan’n yo ɔ liɛ.+
9 Á wá fá famiɛn kpɔnman m’ɔ ti blalɛ’n á búbú be nun,+kpɛkun á fúfú be nun kɛ fa sɛ sa.”+
10 Siɛn’n, famiɛn mun, amun yo akunndanfuɛ.
Asiɛ’n su jɔlɛ difuɛ mun, fɔ nga be tu amun’n, maan amun sɔ nun.
11 Amun su Zoova aɲinyiɛ su,amun di aklunjɔɛ yɛ amun usu i ɲrun.
12 Amun manman ba’n.+ Sɛ amun a yoman sɔ’n, Ɲanmiɛn fá ya,yɛ amún wú,*+
afin i ya’n ɔ jue ndɛndɛ.
Be kwlaa nga be fiɛ i sin’n, be liɛ su ti ye.
Ja ngua lɔ ndɛ mun
^ Annzɛ “i Klisi’n.”
^ Annzɛ “amún wú atin’n i wun mmua,” yɛle kɛ, sa nuan su sɛsɛ yolɛ’n i atin’n.
