Jue Mun 147:1-20
147 An manman Ya!*
Kɛ e to jue* e manman e Ɲanmiɛn’n, ɔ ti kpa.
I manmanlɛ’n yo fɛ, yɛ ɔ nin i sɔ’n fata kpa!+
2 Zoova su kplan Zerizalɛmun klɔ’n.+
Ɔ yia Izraɛlifuɛ nga be bo sanndili’n likawlɛ.+
3 Ɔ yo be nga be awlɛn’n w’a kpɔtɔ be klun’n be juejue.
Ɔ cici be kannin’m be su.
4 Ɔ ka nzraama mun.
Ɔ fa be tinuntinun be dunman’n fa flɛ be.+
5 E Min’n ti dan, yɛ i tinmin’n cɛnnin.+
I ngwlɛlɛ’n leman awieliɛ.+
6 Zoova man wun ase kanfuɛ’m be su,+sanngɛ ɔ tɛ klunwifuɛ’mbe ase.
7 An to jue be la Zoova i ase.
An fa jru’n naan amun to jue be manman e Ɲanmiɛn’n,
8 i yɛ ɔ yo maan ɲanmiɛn ble’n kata ɲanmiɛn’n su-ɔ,i yɛ ɔ yo maan nzue tɔasiɛ’n su-ɔ,+i yɛ ɔ yo maan ijre fifi+ oka’m be su-ɔ.
9 Ɔ man nnɛn’m be aliɛ,+kɔkɔkuankuan ba nga be kpan kunndɛ aliɛ’n, ɔ man be aliɛ.+
10 Nnɛn kpanngɔ’n i wunmiɛn’n, ɔ timan like fi i ɲrun.+
Sɛ wunmiɛn o klɔ sran’n i ja’m be nun’n, ɔ bumɛn i sɔ’n i like fi.+
11 Zoova klo be nga be sro i’n,+be nga be minndɛ kɛ ɔ yi i sran klolɛ dan’n i nglo be lika’n, ɔ klo be.+
12 Ee Zerizalɛmun, yi Zoovai ayɛ.
Ee Siɔn, manman ɔ Ɲanmiɛn’n.
13 Ɔ yo maan ɔ klɔ’n i anuan’m be sin jajalɛ ninnge’m be jran kekleke kpa.
Ɔ yra ɔ mma mɔ be o ɔ nun’n be su.
14 Ɔ yo maan ɔ mɛn’n i nun tɔ fɔuun.+
Ɔ man wɔ ble m’ɔ ti kpa’n lele ɔ ku yi.+
15 Ɔ kan ndɛ kle asiɛ’n.
I ndɛ’n wanndi ndɛndɛ kpa.
16 Ɔ sunman laglasi’n kɛ bua ndrɛ wie sa.+
Ɔ tru laglasi m’ɔ fin nglo lɔ gua munkɛnmunkɛn’n nun kɛ nzuɛn sa.+
17 Ɔ yo maan i nzraama mɔ kɛ nzue tɔ́’n be gua’n,* be gua kɛ kpanwun buebue wie mun sa.+
?Wan yɛ ɔ kwla jrɛn i ayrɛ’n i ɲrun-ɔn?+
18 Ɔ sunmɛn i ndɛ’n, kpɛkun be klo.
Ɔ yo maan i aunmuan’n fita,+ kpɛkun nzue’m be sonji.
19 Ɔ kɛn i ndɛ’n kle Zakɔbu,ɔ fɛ i mmla mun nin i jɔlɛ ng’ɔ di be’n kle Izraɛli.+
20 W’a yoman sɔ nvle uflɛ fi i lika.+
Be simɛn i jɔlɛ ng’ɔ di be’n be su ndɛ fi.
An manman Ya!*+
Ja ngua lɔ ndɛ mun
^ Annzɛ “Aleluya.” “Ya” ti Zoova i dunman’n i flɛlɛ kpeʼn.
^ Annzɛ “e bo miziki.”
^ Annzɛ “laglasi’n.”
^ Annzɛ “Aleluya.” “Ya” ti Zoova i dunman’n i flɛlɛ kpeʼn.
