Jue Mun 54:1-7
-
Ɲanmiɛn i srɛlɛ naan ɔ uka be
-
“Ɲanmiɛn ti min ukafuɛ” (4)
-
Ɔ ti jue tofuɛ’m be su kpɛn’n i liɛ. Kɛ bé tó’n, maan be bo miziki bolɛ ninnge nga be le ɲanman’n. Maskili* su. Zififuɛ’m be bali be wa seli Saili kɛ: “Davidi fia e afiɛn.”+ Blɛ sɔ nun yɛ Davidi kpɛli jue sɔ’n niɔn.
54 Ee Ɲanmiɛn, fa ɔ dunman’n de min,+fa ɔ tinmin’n kpli min ti.+
2 Ee Ɲanmiɛn, tie min srɛlɛ’n.+
Sie ɔ su min nuan bo.
3 Afin aofuɛ’m be jaso min wun,sran mɔ be siman aunnvɔɛ’n be kunndɛ kɛ bé kún min.+
Be buman Ɲanmiɛn like fi.*+ (Sela)
4 Amun nian! Ɲanmiɛn ti min ukafuɛ.+
Zoova o be nga be suan min bo’n be sin.
5 Sa tɛ nga min kpɔfuɛ’m be yo’n, ɔ́ wá yí i nuan like mán be.+
Kɛ mɔ a ti nanwlɛfuɛ’n ti’n, nunnun be.+
6 Ń má yí tɛ ń mán wɔ+ n klunklo su.
Ee Zoova, ń mánmán ɔ dunman’n, afin i sɔ yolɛ’n ti kpa.+
7 Afin ɔ de min ɲrɛnnɛn kwlaa nun,+yɛ kɛ min kpɔfuɛ’m bé tɔ́’n, ń nían be.+
Ja ngua lɔ ndɛ mun
^ Nian Ndɛ’m be bo tulɛ lika’n nun lɔ.
^ Annzɛ “Be faman Ɲanmiɛn sieman be ɲrun.”
