Jue Mun 8:1-9
Ɔ ti jue tofuɛ’m be su kpɛn’n i liɛ. Gititi* su. Davidi i jue’m be nun kun-ɔn.
8 Ee Zoova, e Min, nanwlɛ, ɔ dunman’n ti dan asiɛ wunmuan’n su,a fali ɔ aɲrunɲan’n sieli i ɲanmiɛn m’ɔ la nglo lɔ plaii’n i ti su nglo!*+
2 A yoli maan ba kanngan mun nin ba nɔnman mun+ be fa be nuan’n be yi ɔ tinmin’n i nglo
ɔ ɲrun tanndanfuɛ’m be ti,naan ɔ kpɔfuɛ’n nin klunngbɔ tufuɛ’n b’a ɲanman ndɛ b’a kanman.
3 Kɛ n wun ɲanmiɛn mɔ a yili’n, m’ɔ ti ɔ sa nuan like’n,anglo’n nin nzraama mɔ a siesieli be’n,+
4 n usa min wun kɛ: ?Wan yɛle klɔ sran mɔ i ti yɛ a bu i akunndan-ɔn?
?Yɛ wan yɛle klɔ sran mɔ i ti yɛ a niɛn i lika-ɔ?+
5 A yoli maan anzi’m be kpa trɛli i kan,a yoli maan ɔ ɲannin ɲrun, yɛ ɔ yo ɲɛnmɛn.
6 A fɛli i sieli ninnge nga a yili be’n be su,+a fali like kwlaa sieli i ja bo:
7 Bua nin boli nin nannin’m be kwlaa,ɔ nin blo nnɛn mun,+
8 ɲanmiɛn su lɔ anunman mun nin jenvie’n nun jue mun,ɔ nin ninnge kwlaa nga be sinsin jenvie’m be nun atin’m be su’n.
9 Ee Zoova, e Min, nanwlɛ, ɔ dunman’n ti dan asiɛ wunmuan’n su!
Ja ngua lɔ ndɛ mun
^ Nian Ndɛ’m be bo tulɛ lika’n nun lɔ.
^ Be kwla se ekun kɛ “wɔ mɔ be kan ɔ aɲrunɲan’n i ndɛ ɲanmiɛn’n i ti su nglo lɔ’n.”
