Jue Mun 56:1-13
Ɔ ti jue tofuɛ’m be su kpɛn’n i liɛ. “Auble m’ɔ ti diin m’ɔ o mmua lɔ’n.” Davidi i jue-ɔ. Miktamun* su. Kɛ ɔ́ yó sɔ’n, nn Filistifuɛ’m b’a trɛ i Gati lɔ.+
56 Ee Ɲanmiɛn, si min aunnvɔɛ, afin klɔ sran’m be fa alɛ be wla min sin.*
Aliɛ ba kwlaa nun’n be nin min kun, yɛ be kle min yalɛ.
2 Aliɛ ba kwlaa nun’n, min kpɔfuɛ’m be kunndɛ kɛ bé trá min.
Sran kpanngban be nin min kun, yɛ be tu be wun.
3 Kɛ srɛ kun min’n,+ n fa min wla n gua ɔ su.+
4 N fa min wla n gua Ɲanmiɛn su, n mɛnmɛn i i ndɛ’n ti.
N fa min wla n gua Ɲanmiɛn su, srɛ kunman min.
?Ngue yɛ klɔ sran ngbɛn sa’n kwla yo min-ɔn?+
5 Aliɛ ba kwlaa nun’n, be yo maan n wun ɲrɛnnɛn.
Min tɛ yolɛ akunndan yɛ ɔ o be klun-ɔn.+
6 Be fia naan bé tɔ́ min su.
Be nian ajalɛ kwlaa nga n tu’n su,+naan bé kún min.+
7 Be klunwi’n ti’n, yi be blo.
Ee Ɲanmiɛn, tu nvlenvle’m be fɔ ya su.+
8 A fa ɔ ɲin sie i wlanwlanlɛ mɔ n wlanwlan’n su.+
Fa ɔ nzue kplo’n sɔ min ɲinmuɛn nzue’n.+
?Be timan klɛwa ɔ fluwa’n nun?+
9 Cɛn nga ń kpán ń kúnndɛ ukalɛ’n, min kpɔfuɛ’m bé cúɛn be wun bé kɔ́ siɛn.+
N lafi ndɛ yɛ’n su: Ɲanmiɛn o min sin.+
10 N fa min wla n gua Ɲanmiɛn su, n mɛnmɛn i i ndɛ’n ti.
N fa min wla n gua Zoova su, n mɛnmɛn i i ndɛ’n ti.
11 N fa min wla n gua Ɲanmiɛn su, srɛ kunman min.+
?Ngue yɛ klɔ sran ngbɛn sa’n kwla yo min-ɔn?+
12 Ee Ɲanmiɛn, nda nga n tali wɔ’n, ɔ fata kɛ n yiɛ i nuan.+
Ń má lá wɔ ase.+
13 Afin a deli min wie’n i nuan nun,+a yoli maan min ja w’a kplaman.+
Ɔ maan n kwla nanti Ɲanmiɛn ɲrun, yɛ nguan’n i kannin’n kpaja min su.+
