Jue Mun 121:1-8
Be nga be su fu kɔ’n be jue-ɔ.
121 N man min ɲin su n nian oka mun.+
?Min ukalɛ’n ɔ́ fín nin yɛ ɔ́ bá-ɔ?
2 Min ukalɛ’n fin Zoova,+m’ɔ ti ɲanmiɛn m’ɔ la nglo lɔ plaii’n nin asiɛ’n be Yifuɛ’n.
3 Ɔ su kplinman su le kɛ ɔ ja seli.*+
I m’ɔ nian ɔ su’n, lafilɛ su kunmɛn i le.
4 Nian! Lafilɛ su kunmɛn i le yɛ ɔ su lafiman le,i m’ɔ nian Izraɛli su’n, ɔ su lafiman le.+
5 Zoova nian ɔ su.
Zoova ti fɔnvɔ,+ ɔ o ɔ sa fama su.+
6 Wia nun’n, wia’n su kpanman ɔ su,+yɛ kɔnguɛ’n, anglo’n su taman ɔ su.+
7 Zoova sásá wɔ naan sa fi w’a ɲanman wɔ.+
Ɔ́ sásá ɔ nguan’n.+
8 Zoova nían ɔ su sa kwlaa nga á yó’n nun,*
kɛ ɔ fɛ i andɛ’n ɔ́ yó sɔ, yɛ ɔ́ yó sɔ tititi.
