Jue Mun 19:1-14
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
19 Ɲanmiɛn m’ɔ la nglo lɔ plaii’n yi Ɲanmiɛn i aɲrunɲan’n i nglo.+
Ɲanmiɛn m’ɔ la nglo lɔ plaii’n, ɔ yi Ɲanmiɛn i sa nuan ninnge’m be nglo.+
2 Cɛn kwlakwla’n be kan ndɛ,kɔnguɛ kwlakwla be kle e like.
3 Be ijɔman, yɛ ndɛ fi finman be nuan fiteman,be timan be nɛn.
4 Sanngɛ be ti be ngan asiɛ’n i lika kwlaa,yɛ kɛ ɔ́ fá jú asiɛ’n* i tiwa lɔ’n, sran’m be ti be ndɛ’n.+
Ɔ kplannin tannin sua kun ɲanmiɛn su lɔ mannin wia’n.
5 Wia’n ti kɛ gbanflɛn wie mɔ w’a ja bla uflɛuflɛ m’ɔ su fin i atɔnvlɛ sua’n nun fite’n sa.
Ɔ di aklunjɔɛ kɛ safuɲrɛn wie m’ɔ su wanndi kɔ’n sa.
6 Ɔ fite ɲanmiɛn’n i bue kun lɔ,ɔ fɛ i lɔ lele fa ju i bue uflɛ su lɔ ekun.+
Yɛ ɔ leman like kun mɔ wia’n bomɛn i su-ɔ.
7 Fiɛn kaan sa nunman Zoova i mmla’n i sin.+ Kɛ sran’n i wunmiɛn’n wie i nun’n ɔ mɛn i uflɛ.+
Zoova i like ng’ɔ kle’n be kwla lafi su,+ ɔ yo maan sran ng’ɔ siman sa’n ɔ yo ngwlɛlɛfuɛ.+
8 Like nga Zoova se kɛ be yo be’n be ti su, be yo maan sran klun jɔ.+
Zoova i mmla’n ti sanwun, ɔ yo maan sran’n i ɲinma’n kpaja.+
9 Zoova i srolɛ’n+ ti kpa, ɔ sinman le.
Jɔlɛ nga Zoova di be’n be ti nanwlɛ, be kwlaa beti kpa.+
10 Be le ɲrun tra sika ɔkwlɛ,be le ɲrun tra sika ɔkwlɛ jrɛiin’n.*+
Be yo fɛ tra awɛma nzue,+ be yo fɛ kɛ awɛma nzue ng’ɔ fin awɛma’m be sua’n nun sonji’n sa.
11 Be fa tuli ɔ sufuɛ’n i fɔ.+
Sran ng’ɔ fa be su’n, ɔ ɲan su ye dan.+
12 ?Wan yɛ ɔ kwla si i bɔbɔ i fɔnlɛ mun-ɔn?+
Sa tɛ nga n yoli mɔ n siman sɔ’n, yaci cɛ min.
13 Uka ɔ sufuɛ’n naan w’a yoman wun tulɛ ninnge mun,+nán yaci be lɛ maan be tin min su.+
I liɛ’n, sa tɛ kaan sa su tranman min wun,+yɛ n su yoman sa tɛ dan.*
14 Ee Zoova, wɔ mɔ a ti min Yɔbuɛ+ nin min Ti Kpɔfuɛ’n,+yo maan ndɛ ng’ɔ fin min nuan fite’n, ɔ nin like nga n bu su akunndan’n, be jɔ ɔ klun.+
Ja ngua lɔ ndɛ mun
^ Annzɛ “asiɛ m’ɔ yo like ye’n.”
^ Annzɛ “mɔ be yili i nun fiɛn’n.”
^ Annzɛ “sa tɛ kpanngban.”
