Jue Mun 105:1-45
-
Sa kpakpa nga Zoova yo mɛn i sran mun’n
105 Amun la Zoova i ase,+ amun bo i dunman’n.
Amun kan sa ng’ɔ yoli be’n be ndɛ kle sran mun!+
2 Amun to jue be bo flɛ i, amun to jue* be mɛnmɛn i,amun bu sa dandan ng’ɔ yoli be’n be su akunndan.*+
3 Amun fɛ i dunman m’ɔ ti sanwun’n be di be nuan.+
Maan be nga be kunndɛ Zoova’n be klun jɔ.+
4 Amun kunndɛ Zoova,+ amun kunndɛ i tinmin’n.
Maan amun ɲin tɛ i ɲrun titi.
5 Nán amun wla fi sa dandan ng’ɔ yoli be’n be su.
Nán amun wla fi abonuan sa nin jɔlɛ ng’ɔ dili be’nbe su.+
6 amun mɔ amun ti i sufuɛ Abraamun i osu’n nunfuɛ’n,*+
amun mɔ amun ti Zakɔbu i mma mun’n, m’ɔ kpali amun’n.+
7 I yɛ ɔ ti e Ɲanmiɛn Zoova’n niɔn.+
Ɔ di asiɛ’n sufuɛ’m be kwlaa be jɔlɛ.+
8 I wla kpɛn i aenguɛ’n su tititi,+i wla kpɛn nda ng’ɔ tali’n su, lele fa ju amun osu’n nunfuɛ’m be akpasua akpi (1.000) su’n su.+
9 I wla kpɛn aenguɛ ng’ɔ nin Abraamun be trali’n,+ɔ nin nda ng’ɔ taliIzaaki’n su,+
10 ɔ fa yoli mmla kpɛkun ɔ fa mannin Zakɔbu.
Yɛ ɔ ti aenguɛ kun m’ɔ o i bɔbɔ nin Izraɛli be afiɛn tititi-ɔ.
11 Ɔ seli kɛ: “Ń fá Kanaan mɛn’n ń mán wɔ,+ɔ́ yó ɔ aja like.”+
12 Kɛ ɔ́ yó sɔ’n, nn be tikaan sa,+nanwlɛ, be juman lika fi, yɛ be kacili aofuɛ mɛn’n nun.+
13 Be fɛ i nvle kun nun be nanti kɔ nvle uflɛ nun,be fɛ i famiɛn diwlɛ kun nun be nanti kɔ nvleuflɛ nun.+
14 W’a kplinman sran fi su kɛ ɔ kle be yalɛ,+sanngɛ be dunman nun ti’n, ɔ ijɔli famiɛn mun.+
15 Ɔ seli kɛ: “Nán amun sa kan min sran mɔ n kpali be’n,nán amun yo min nuan ijɔfuɛ’m be tɛ.”+
16 Ɔ fali awe yili mɛn’n su,+ɔ yoli maan b’a ɲanman kpanwun kun.*
17 Ɔ sunmannin sran kun be ɲrun,be yoli i atɛ kɛ kanga sa, sran sɔ’n yɛle Zozɛfu.+
18 Be fali jrɔkɔ cili i ja mun,+be wlɛli i kɔmin blalɛ.
19 Zoova i ndɛ’n yɛ ɔ yoli i sanwun-ɔn
lele naan i ndɛ’n w’akpɛn su.+
20 Famiɛn’n seli kɛ be yaci i nun,+nvlefuɛ’m be siefuɛ’n yacili i nun.
21 Ɔ fɛ i sieli i i awlo’n su kpɛn,ɔ fɛ i sieli i ninnge’m be kwlaa be su,+
22 naan ɔ sie i sran dandan mun kɛ ɔ fa klo’n sa,naan ɔ kle kpɛnngbɛn’m be ngwlɛlɛ.+
23 Ɔ maan Izraɛli ɔli Ezipti lɔ,+Zakɔbu kacili aofuɛ Kamun mɛn’n nun.
24 Ɲanmiɛn yoli maan i nvlefuɛ’m be wuli ba kpanngban kpa.+
Ɔ yoli maan be ɲannin wunmiɛn trali be kpɔfuɛ mun,+
25 ɔ yacili be lɛ naan be awlɛn’n kaci naan be kpɔ i nvlefuɛ mun,naan be cici i sufuɛ’m be wun ndɛ.+
26 Ɔ sunmɛnnin i sufuɛ Moizi+
ɔ nin Aarɔn+ m’ɔ kpali be’n.
27 Be yoli i sa dandan mun be ɲrun,be yoli i abonuan sa mun Kamun mɛn’n nun lɔ.+
28 Ɔ sunmannin aosin’n, yɛ mɛn’n nun luli tuun.+
B’a kpalomɛn i nuan ndɛ’n.
29 Ɔ yoli maan be nzue’m be kacili mmoja,yɛ ɔ kunnin be jue mun.+
30 Klɛ’m be yili be mɛn’n,+be wluli be famiɛn’n i sua ba’m be nun bɔbɔ.
31 Ɔ seli tuin mun
nin wɛntɛnwɛntɛn mun naan be tru be mɛn’n i lika kwlaa nun.+
32 Ɔ yoli maan be nzue ng’ɔ ko tɔ’n, ɔ kacili nzraama mɔ kɛ nzue tɔ́’n ɔ gua’n,yɛ ɔ sunmannin angblannan’n* be mɛn’n nun.+
33 Ɔ sacili be viɲin mun nin be figie waka mun,yɛ ɔ bubuli be mɛn’n nun waka mun.
34 Ɔ seli kɛ maan lalo mun,lalo kanngan wie mɔ be siman be nuan’n be de lika.+
35 Be dili be mɛn’n nun nɲanɲa’m be kwlaa,yɛ be dili asiɛ’n su ninnge mun.
36 kpɛkun ɔ kunnin be mɛn’n nun ba klikli’m be kwlaa,+ɔ kunnin be mma klikli mun.
37 Ɔ yoli maan kɛ i nvlefuɛ’m bé fíte’n be fali sika nin sika ɔkwlɛ,+yɛ i sran mɔ be ti akpasuaakpasua’n be nun wie fi i ja w’a kplaman.
38 Kɛ be ɔli’n, Eziptifuɛ’m be klun jɔli,afin Izraɛlifuɛ’m be ti’n srɛ kunnin be dan.+
39 Ɔ fali ɲanmiɛn ble’n katali be su,+yɛ ɔ fali sin kpajali be su kɔnguɛ.+
40 Be srɛli nnɛn, yɛ ɔ mannin be aoko mun.+
Ɔ mannin be ɲanmiɛn su lɔ kpanwun titi, ɔ maan be ku yili.+
41 Ɔ kpacili yɔbuɛ kun nun, kpɛkun nzue fin nun fiteli,+ɔ sonjili aawlɛ flɛnnɛn’n nun kɛ nzue ba sa.+
42 Afin i wla kpɛnnin nda ngunmin kun m’ɔ tɛli i sufuɛ Abraamun’n su.+
43 Ɔ maan kɛ ɔ́ fɛ́ i nvlefuɛ mun fíte’n be klunjɔli dan.+
Kɛ ɔ́ fɛ́ i sran m’ɔ kpali be’n fíte’n, be kpannin aklunjɔɛ kpanlɛ.
44 Ɔ fali nvlenvle’m be asiɛ mun mannin be,+junman kekle nga nvle uflɛ nunfuɛ’m be dili’n i nuan like’n kacili be liɛ,+
45 naan be di ndɛ ng’ɔkan’n su,+yɛ be fɛ i mmla’m be su.
An manman Ya!*
Ja ngua lɔ ndɛ mun
^ Annzɛ “amun bo miziki.”
^ Be kwla se ekun kɛ “amun kan be ndɛ.”
^ Annzɛ “i mma mun’n.”
^ Ebr., “ɔ bubuli kpanwun waka mun.” Atrɛkpa’n waka mɔ be fa kpanwun be wlawla su be sie’n i ndɛ yɛ be kan-ɔn.
^ Annzɛ “sin taaman mun.”
^ Annzɛ “Aleluya.” “Ya” ti Zoova i dunman’n i flɛlɛ kpeʼn.
