Jue Mun 63:1-11
Kɛ Davidi o Zida aawlɛ flɛnnɛn’n nun lɔ’n+ yɛ ɔ toli jue nga-ɔ.
63 Ee Ɲanmiɛn, a ti min Ɲanmiɛn, n kunndɛ wɔ titi.+
Min wla lo wɔ kɛ nzuewe yɛ ɔ kun min sa.+
M’an yo fakafaka afin min ɲin o ɔ sin dan
asiɛ kee kun mɔ like yoman ye’n su, mɔ be ɲanman nzue lɔ’n su.+
2 I sɔ’n ti’n, n niannin wɔ ɔ lika m’ɔ ti ɔ liɛ klonglo’n nun lɔ.
N wunnin ɔ wunmiɛn’n nin ɔ aɲrunɲan’n.+
3 Kɛ mɔ ɔ sran klolɛ dan’n i kpa tra nguan’n ti’n,+min nuan bui’m bé yí ɔ ayɛ.+
4 Ɔ maan blɛ mɔ n te o nguan nun’n, ń mánmán wɔ,ń mán min sa’m be su ɔ dunman nun.
5 Min klun ti jɔwa, afin like nga a mannin min’n ɔ ti kpa dan, ɔ leman wunsu,ɔ maan ń fá min nuan’n ń mánmán wɔ, aklunjɔɛ o min nuan.+
6 Kɛ n wo min bɛ’n su’n, min wla kpɛn ɔ su.
Kɔnguɛ wunmuan’n nun’n, n bu ɔ su akunndan.+
7 Afin a ti min ukafuɛ,+yɛ n kpan aklunjɔɛ kpanlɛ ɔ ndɛwa’m be fɔnvɔ’n i bo.+
8 E nin wɔ e afiɛn mantan kpa,ɔ sa fama’n tra min nun kpa titi.+
9 Sanngɛ be nga be kunndɛ kɛ bé kún min’n,bé jrá asiɛ’n i bo mmualɔ kpa.
10 Bé fá tokofi bé kún be,bé káci blo alua’m be aliɛ.
11 Sanngɛ Ɲanmiɛn i dunman nun’n famiɛn’n i klun jɔ́.
Sran kwlaa ng’ɔ ta nda ɔ dunman nun’n, ɔ́ dí aklunjɔɛ,*
afin be nga be kan ato ndɛ mun’n be nuan múan.
Ja ngua lɔ ndɛ mun
^ Annzɛ “ɔ́ dí i nuan.”
