Jue Mun 36:1-12
Ɔ ti jue tofuɛ’m be su kpɛn’n i liɛ. Ɔ fin Zoova i sufuɛ Davidi.
36 Sa tɛ’n kan ndɛ kle klunwifuɛ’n i awlɛn’n.
Ɔ sroman Ɲanmiɛn mlɔnmlɔn.+
2 Afin ɔ bu i bɔbɔ i wun sran dan ti’n,ɔ wunmɛn i sa tɛ mun naan w’a kpɔ be.+
3 I nuan ndɛ’m be saci sran, be laka sran.
Ɔ siman sa kpa yolɛ’n i wun ngwlɛlɛ.
4 Kɛ ɔ o i bɛ’n su bɔbɔ’n, ɔ bu sa tɛ yolɛ’n i akunndan.
Ɔ o atin ng’ɔ timan kpa’n su,ɔ kpaloman sa ng’ɔ ti tɛ’n.
5 Ee Zoova, ɔ sran klolɛ dan’n ɔ fu lele ju ɲanmiɛn su lɔ,+nanwlɛfuɛ mɔ a ti’n, ɔ ju ɲanmiɛn ble’n su lɔ.
6 Ɔ sa nuan su sɛsɛ yolɛ’nti kɛ oka mɔ be yoɲɛnmɛn’n sa.*+
Jɔlɛ nga a di be’n, be ti kɛ nzue dandan mɔ be bo ti kploun’n sa.+
Ee Zoova, a yo maan sran nin nnɛn’m be ka nguan nun.*+
7 Ee Ɲanmiɛn, ɔ sran klolɛ dan’n ti kpa dan!+
Klɔ sran’m be fia ɔ ndɛwa’m be fɔnvɔ’n i bo.+
8 Be nɔn ɔ sua’n nun lɔ ninnge kpakpa mun lele be ku yi.+
A yo maan be nɔn ɔ ninnge kpakpa kpanngban mɔ be sonji kɛ nzue ba wie sa’n.+
9 Nguan’n i bo’n wo ɔ wun lɔ,+ɔ kannin’n ti yɛ e kwla wun kannin’n niɔn.+
10 Yi ɔ sran klolɛ dan’n i nglo be nga be si wɔ’n be lika titi,+yɛ yi ɔ sa nuan su sɛsɛ yolɛ’n i nglo be nga be awlɛn ti kpa’n be lika titi.+
11 Nán maan wun tufuɛ’n fɛ i ja tiatia min su,nán maan klunwifuɛ’n fɛ i sa’n fuan min.
12 Lɛ yɛ sa tɛ yofuɛ’m be tɔli-ɔ.
Be yili be ase, yɛ be kwlá jasoman kun.+
