Jue Mun 149:1-9
149 An manman Ya!*
An to jue uflɛuflɛ kun be manman Zoova.+
Amun mɛnmɛn i i sran kpa’m be nzra dan’n nun.+
2 Maan Izraɛlifuɛ’m be klun jɔ be Yifuɛ Dan’n+ i dunman nun,maan Siɔn i mma’m be klun jɔ be Famiɛn’n i dunman nun.
3 Maan be si able be mɛnmɛn i,+yɛ maan be fa klɛn nin jru be to jue* be mɛnmɛn i.+
4 Afin Zoova klo i sran mun.+
Ɔ de wun ase kanfuɛ mun naan be ɲan ɲrun.+
5 Maan sran kpa’m be bo sro afin be ɲannin ɲrun dan.
Maan be kpan aklunjɔɛ kpanlɛ be bɛ’m be su.+
6 Maan Ɲanmiɛn manmanlɛ jue’m be tran be alowa’n nun.
Yɛ maan tokofi kun m’ɔ lɛ i ɲrun lɛ i sin’n, ɔ tran be sa nun,
7 naan be fa tu klunngbɔ nvlenvle’m be su,naan be fa tu nvlenvle’m be nunfuɛ’m be fɔ,
8 naan be fa jrɔkɔ be fa ci be famiɛn mun,naan be fa blalɛ be bo be sran dandan’m be kpanwun,
9 naan be fa fɔ nga be klɛli i kɛ bé fá tú be’n be tu be.+
I sufuɛ kpa’m be kwlaa yɛ bé ɲɛ́n i sɔ aɲrunɲan liɛ’n niɔn.
An manman Ya!*
