Jue Mun 113:1-9
113 An manman Ya!*
Amun mɔ amun ti Zoova i sufuɛ’n, amun mɛnmɛn i,amun manman Zoova i dunman’n.
2 Maan be manman Zoova i dunman’n.
Kɛ ɔ fɛ i andɛ’n maan be mɛnmɛn i, yɛ maan be yo sɔ tititi.+
3 Kɛ wia’n fite’n lele m’ɔ́ fá tɔ́’n,maan be manman Zoova i dunman’n.+
4 Zoova o nvlenvle’m be kwlaa be ti su.+
I aɲrunɲan’n wo ɲanmiɛn’n i ti su nglo.+
5 ?Wan yɛ ɔ ti kɛ e Ɲanmiɛn Zoova+
m’ɔ tran* nglo lɔ’n sa-ɔ?
6 Ɔ klu nian ɲanmiɛn’n nin asiɛ’n,+
7 yɛ ɔ man sran ng’ɔ leman wie’n i su ndutre’n nun.
Ɔ man yalɛfuɛ’n i su nzuɛn kwle’n* nun+
8 naan ɔ nin sran dandan mun be tran,naan ɔ nin i nvlefuɛ’m be nun sran dandan mun be tran.
9 Ɔ man bla nga i klun ti kpan’n i awlo,ɔ wu ba mun,* yɛ ɔ kaci niɛn kun m’ɔ di aklunjɔɛ-ɔ.+
An manman Ya!*
