Jue Mun 25:1-22
Davidi i jue-ɔ.
א [Alɛfu]
25 Ee Zoova, ɔ wun lɔ yɛ n kpɛ min ɲin-ɔn.
ב [Bɛti]
2 Min Ɲanmiɛn, n lafi ɔ su,+nán yaci min lɛ naan ɲannzuɛn kun min.+
Nán yaci min kpɔfuɛ’m be lɛ naan be sri min.+
ג [Gimɛli]
3 Be nga be fa be wla gua ɔ su’n, ɲannzuɛn su kunman be nun wie fi.+
Sanngɛ be nga be kpɛ be wiengu bo waka’n, bé wún ɲannzuɛn.+
ד [Dalɛti]
4 Ee Zoova, kle min ɔ atin mun,+kle min ɔ atin mun.+
ה [E]
5 Yo maan n nanti ɔ nanwlɛ atin’n su, yɛ kle min like.+
Afin wɔ yɛ a ti min Ɲanmiɛn m’ɔ de min’n niɔn.
ו [Vavu]
Aliɛ ba kwlaa nun’n, n fa min wla n gua ɔ su.
ז [Zayin]
6 Ee Zoova, maan ɔ wla kpɛn ɔ sran aunnvɔɛ silɛ’n, nin ɔ sran klolɛ dan’n be su,+afin a yi be nglo tititi.*+
ח [Ɛti]
7 Nán ɔ wla kpɛn sa tɛ nga n yoli be min gbanflɛn nun’n, ɔ nin min fɔnlɛ’m be su.
Ee Zoova, maan ɔ wla kpɛn min su ɔ sran klolɛdan’n ti,+maan ɔ wla kpɛn min su ɔ klun ufue’n ti.+
ט [Teti]
8 Zoova ti kpa, yɛ ɔ ti seiin.+
I sɔ’n ti yɛ ɔ kle sa tɛ yofuɛ’m be nguan atin’n niɔn.+
י [Yɔdu]
9 Ɔ́ klé wɛtɛɛfuɛ’m be sakpa yolɛ.*+
Yɛ ɔ́ fɛ́ i atin mun klé wɛtɛɛfuɛ mun.+
כ [Kafu]
10 Be nga be di Zoova i aenguɛ’n+ nin i afɔtuɛ’m+ be su’n, be liɛ’n,i atin’m be kwlaa be kle kɛ ɔ klo sran dan yɛ ɔ ti nanwlɛfuɛ.
ל [Lamed]
11 Ee Zoova, ɔ dunman’n ti’n,+yaci min fɔnlɛ’n cɛ min, kannzɛ bɔbɔ ɔ ti dan’n yaci cɛ min.
מ [Memun]
12 ?Wan yɛ ɔ sro Zoova-ɔ?+
Ɔ́ klé i atin ng’ɔ fata kɛ ɔ fa’n.+
נ [Nunnun]
13 Sran sɔ’n i liɛ yó ye.+
Yɛ asiɛ’n yó i mma’m be liɛ.+
ס [Samɛki]
14 Be nga be sro Zoova’n, be yɛ be nin i be tra janvuɛ kpa-ɔ,+yɛ ɔ kɛn i aenguɛ’n i ndɛkle be.+
ע [Ayin]
15 Zoova i wun lɔ yɛ n kpɛ min ɲin titi-ɔ.+
Afin ɔ́ wá yí min ja’n tɛ’n* nun fíte.+
פ [Pe]
16 Kpɛ ɔ ɲin min su wa, yɛ si min aunnvɔɛ.
Min ngunmin yɛ m’an ka-ɔ, n leman ukafuɛ.
צ [Sade]
17 Min awlabɔɛ’n w’a yo dan,+yi min awlabɔɛ’n nun fite.
ר [Resi]
18 Nian ɲrɛnnɛn nin afɛ mɔ n wo nun’n,+yɛ yaci min sa tɛ’n i kwlaa cɛ min.+
19 Nian kɛ min kpɔfuɛ’m b’a sɔn-ɔn,nian kɛ be kpɔ min dan-ɔn.
ש [Sinin]
20 Sasa min nguan’n, yɛ de min.+
Nán yaci min lɛ naan ɲannzuɛn kun min, afin n fiali ɔ sin.
ת [Taun]
21 Maan seiin nantilɛ’n nin ndɛnman su nantilɛ’n, be sasa min,+afin ɔ su yɛ n fa min wla’n n gua-ɔ.+
22 Ee Ɲanmiɛn, de Izraɛli* i ɲrɛnnɛn’n kwlaa nun.
Ja ngua lɔ ndɛ mun
^ Annzɛ “afin be o lɛ w’a cɛ kpa.”
^ Ebr., “jɔlɛ dilɛ.”
^ Annzɛ “lala’n.”
^ Ebr., “kpɔ i ti.”
