“Ee, wɔ mɔ a tie srɛlɛ’n, sran wafawafa kwlaa bé wá bá ɔ sin.”

Jue Mun 65:2

“Fa ɔ wla’n kwlaa guɛ i Zoova su, nán lafi ɔ bɔbɔ ɔ akunndan liɛ’n su. Like kwlaa nga á yó’n, bu i akunndan, yɛ i kusu bó ɔ ɲrun atin.”

Ɲanndra Mun 3:5, 6

“Kɛ ɔ ko yo naan b’a ɲan nguan m’ɔ leman awieliɛ’n, ɔ ti cinnjin kɛ be si wɔ mɔ ɔ kunngba cɛ yɛ a ti Ɲanmiɛn Kpli’n, ɔ nin sran nga a sunmɛnnin i’n mɔ yɛle Zezi Klisi’n.”

Zan 17:3

“Afin nanwlɛ, [Ɲanmiɛn] nin e nun wie fi nunman mmua.”

Sa Nga Be Yoli’n 17:27

 “Like nga ti yɛ n srɛ Ɲanmiɛn titi’n, yɛle kɛ an klo Ɲanmiɛn nin sran kpa tra laa’n naan amun si ndɛ ng’ɔ ti nanwlɛ’n, yɛ an wun sa wlɛ kpa.”

Filipufuɛ Mun 1:9

“Sɛ amun nun wie wunman sa wlɛ’n, maan ɔ srɛ Ɲanmiɛn titi kɛ ɔ mɛn i ngwlɛlɛ. Like ng’ɔ srɛ i’n, ɔ́ fá mɛ́n i. Afin Ɲanmiɛn liɛ’n, ɔ man sran’m be kwlaa be like klun ufue su, yɛ kɛ ɔ́ yó sɔ’n ɔ ijɔmɛn i sin.”

Zaki 1:5

“An fa amun wun mantan Ɲanmiɛn, yɛ ɔ́ fɛ́ i wun mántan amun. Sa tɛ yofuɛ mun, an yaci sa tɛ’n i yolɛ. Amun mɔ amun akunndan’n ti nɲɔnnɲɔn’n, an yaci akunndan tɛtɛ’n.”

Zaki 4:8

“Ɲanmiɛn i klolɛ’n yɛle kɛ e fɛ i mmla’m be su. Yɛ kusu i mmla’m be su falɛ yoman ya.”

1 Zan 5:3