Jue Mun 26:1-12
Davidi i jue-ɔ.
26 Ee Zoova, di min jɔlɛ, afin n nantili seiin.+
Zoova su yɛ n fali min wla’n n guali-ɔ, m’an usuman.+
2 Ee Zoova, niannian min, yɛ sa min nian.
Yo maan min klun lɔ akunndan’n,* ɔ nin min awlɛn’n be yo sanwun.+
3 Afin a yi ɔ sran klolɛ dan’n i nglo min ɲrun cɛn kwlakwla.
Yɛ n nanti ɔ nanwlɛatin’n su.+
4 E nin be nga be laka sran mun’n e sanman nun.*+
Yɛ n wanndi be nga be fia sran wafa nga be ti’n su’n.*
5 N kloman kɛ min nin sran tɛ mun é sán nun.+
Yɛ n kplinman su kɛ e nin klunwifuɛ mun é sán nun.*+
6 Ń wúnnzin min sa nun ń klé kɛ m’an yoman sa.
Ee Zoova, ń nánti ń sín yía ɔ tɛ yiwlɛ’n,
7 naan be ti min nɛn mɔ n fa la ɔ ase’n,+yɛ ń kán ɔ abonuan sa’m be kwlaa be ndɛ.
8 Zoova, n klo sua nga a tran nun’n,+N klo lika nga ɔ aɲrunɲan’n wo nun’n.+
9 Nán nunnun min nin sa tɛ yofuɛ mun likawlɛ.+
Nán fa min nguan’n nin nzaje sa yofuɛ’m* be liɛ’n likawlɛ,
10 sran sɔ’m be sa o ɲannzuɛn sa’m be nun,yɛ adi ninnge’m b’a yi be sa fama’n.
11 Sanngɛ min liɛ’n, ń nánti seiin.
De min,* yɛ si min aunnvɔɛ.
12 Min ja’n jin lika kpa nun.+
Ń mánmán Zoova nzra dan’n nun.+
