KOSAN 1
?Wan yɛle Ɲanmiɛn?
“Maan sran’m be si kɛ wɔ mɔ ɔ dunman’n yɛle Zoova’n, ɔ kunngba cɛ yɛ a o Like Kwlaa Ti Su asiɛ wunmuan’n su-ɔ.”
“Maan amun si kɛ Zoova ti Ɲanmiɛn. I yɛ ɔ yili e-ɔ, yɛ e ti i liɛ.”
“N ti Zoova. Min dunman’n yɛ ɔ o lɛ-ɔ. N faman min aɲrunɲan’n n manman sran uflɛ, yɛ n faman min manmanlɛ’n n manman amuin mɔ be sɛli be’n.”
“Sran kwlaa ng’ɔ bo Zoova i dunman’n, ɔ́ fíte nun.”
“I yo, sran yɛ ɔ kplan sua kwlaa-ɔ. Sanngɛ Ɲanmiɛn yɛ ɔ yili ninnge’n kwlaa-ɔ.”
“Amun man amun ɲin su nglo be nian. ?Wan yɛ ɔ yili ninnge nga mun-ɔn? Sran ng’ɔ fa be fite kɛ sonja mun sa’n niɔn, ɔ le kun nin i nimielo, ɔ fa be tinuntinun be dunman’n fa flɛ be. I wunmiɛn dan’n nin i tinmin m’ɔ yo sro’n ti’n, be nun wie fi tuman nun.”
Ninnge wie mɔ be kwla yo ɔ fɛ ekun'n
NINNGE CINNJIN NGA BIBLU’N KLE BE’N
?Ɲanmiɛn le dunman?
Ɲanmiɛn i tɔnndɔnlɛ dunman’n wie yɛle Anannganman, Like yifuɛ, nin Miɛn. Sanngɛ i dunman bɔbɔ ba’n wo Biblu’n nun kpɛ 7.000 tra su.
