Jue Mun 135:1-21
135 An manman Ya!*
An manman Zoova i dunman’n.
Amun mɛnmɛn i, amun mɔ amun ti Zoova i sufuɛ’n,+
2 amun mɔ amun jran Zoova i sua’n nun lɔ’n,mɔ amun o e Ɲanmiɛn’n i sua’n i awlo klun’m be nun’n.+
3 An manman Ya, afin Zoova ti kpa.+
An to jue* be mɛnmɛn i dunman’n, afin i sɔ’n yo ɲɛnmɛn.
4 Afin Ya fali Zakɔbu yoli i liɛ,ɔ fali Izraɛli yoli i liɛ klonglo.+
5 Afin n si weiin kɛ Zoovati dan,e Min’n ti dan tra ɲanmiɛn onga’m be kwlaa.+
6 Zoova yo like kwlaa ng’ɔ klo’n+
ɲanmiɛn su lɔ nin asiɛ su wa, ɔ nin jenvie’m be nun, nin bunman dandan’m be kwlaa be nun.
7 Ɔ fa ɲanmiɛn ble’n* asiɛ’n i tiwatiwa’m be su fafu nglo.
Ɔ yo maan kɛ nzue’n tɔ́’n ɲanmiɛn’n kpa sin piapia,*
ɔ fa aunmuan’n i tanngannin’m be nun fite.+
8 Ɔ kunnin Ezipti lɔ ba klikli mun,i sran-o, i nnɛn-o.+
9 Ɔ yoli nzɔliɛ ninnge wie mun ɔ nin abonuan sa wie mun Ezipti lɔ,+Ɔ yoli sɔ fa tuli Faraɔn nin i sufuɛ’m be kwlaa be fɔ.+
10 Ɔ kwlali nvlenvle kpanngban,+yɛ ɔ nunnunnin famiɛn mɔ be le kwlalɛ kpa’n.+
11 Be yɛle Siɔn m’ɔ ti Amɔɔfuɛ’m be famiɛn’n,+nin Ɔgu m’ɔ ti Basan famiɛn’n,+ɔ nin Kanaan lɔ famiɛn diwlɛ’m be kwlaa.
12 Ɔ fali be lika’n mannin naan ɔ yo aja like,naan ɔ yo Izraɛli m’ɔ ti i nvle’n i aja like.+
13 Ee Zoova, ɔ dunman’n ká lɛ tititi,ee Zoova, ɔ dunman’n ká lɛ blɛ kwlaa nun.+
14 Afin Zoova wá kplí i nvlefuɛ’m be ti,+yɛ ɔ́ sí i sufuɛ’m be aunnvɔɛ.+
15 Nvlenvle’m be amuin mun’n, sika nin sika ɔkwlɛ yɛ be fa yoli be-ɔ,be ti klɔ sran sa nuan like.+
16 Be le nuan, sanngɛ be ijɔman.+
Be le ɲinma, sanngɛ be wunman ase.
17 Be le su, sanngɛ be timan sa.
Aunmuan fi finman be nuan nun fiteman.+
18 Be nga be yo amuin sɔ mun’n, bé káci kɛ be sa,+i kunngba’n yɛle be nga be lafi be su’n.+
19 Ee Izraɛlifuɛ mun, an manman Zoova,ee Aarɔn i awlo’n nunfuɛ mun, an manman Zoova.
20 Ee Levi i awlo’n nunfuɛ mun, an manman Zoova,+amun mɔ amun sro Zoova’n, an manman Zoova.
21 Maan be manman Zoova Siɔn lɔ,+i m’ɔ tran Zerizalɛmun lɔ’n.+
An manman Ya!+
