Jue Mun 143:1-12
Davidi i jue-ɔ.
143 Ee Zoova, tie min srɛlɛ’n.+
Tie srɛlɛ mɔ n srɛ wɔ kɛ a uka min’n.
Nanwlɛ mɔ a di’n nin ɔ sa nuan su sɛsɛ yolɛ’n ti’n, tɛ min su.
2 Nán fa ɔ sufuɛ’n kɔ ɔ jɔlɛ dilɛ bia’n i ɲrun,afin sran fi kwlá yoman sran kpa ɔ ɲrun.+
3 Min kpɔfuɛ’n fuan min.
Ɔ yi min ase, yɛ ɔ tiatiamin su.*
Ɔ yo maan n tran aosin tuun’n nun kɛ be nga be wuli w’a cɛ’n sa.
4 Min sa sin w’a bubu min, yɛ n leman wunmiɛn kun mlɔnmlɔn.+
Min awlɛn’n w’a glɔ min klun lɔ.+
5 Min wla kpɛn min laa nun.
N bu sa nga a yo be’n be kwlaa be su akunndan.+
N bu ɔ sa nuan ninnge’m be su akunndan kpa.*
6 N trɛ min sa’m be nun n kle wɔ,n le wɔ awuliɛ kpa kɛ asiɛ kee m’ɔ su srɛ nzue’n sa.+ (Sela)
7 Ee Zoova, tɛ min su ndɛndɛ,+min wunmiɛn’n w’a wie.+
Nán fa ɔ ɲrun’n fia min wun,+sɛ ɔ timɛn i ti’n, ń yó kɛ be mɔ be jra kunman’n* nun lɔ’n sa.+
8 Maan n ti ɔ sran klolɛ dan’n i su ndɛ nglɛmun nun,afin n lafi ɔ su.
Kle min atin ng’ɔ fata kɛ n fa su’n,+afin ɔ wun lɔ yɛ n kpɛ min ɲin-ɔn.
9 Ee Zoova, de min min kpɔfuɛ’m be sa nun.
N kunndɛ kɛ a sasa min.+
10 Kle min ɔ klun sa’n i yolɛ,+afin a ti min Ɲanmiɛn.
Ɔ wawɛ’n ti kpa,maan ɔ fa min wɔ lika kpɛtɛkplɛɛ kun nun.*
11 Ee Zoova, ɔ dunman’n ti’n, yo maan n ka nguan nun.
Ɔ sa nuan su sɛsɛ yolɛ’n ti’n, de min ɲrɛnnɛn’n nun.+
12 Ɔ sran klolɛ dan’n ti’n, nunnun min kpɔfuɛ mun.*+
Nunnun be kwlaa nga be kle min yalɛ’n,+afin n ti ɔ sufuɛ.+
