Jue Mun 91:1-16
91 Sran kwlaa ng’ɔ tran Ɲanmiɛn m’ɔ o Like Kwlaa Ti Su’n i fiawlɛ’n nun lɔ’n,+ɔ́ trán Sran m’ɔ Kwla Like Kwlaa Yo’n i fɔnvɔ’n i bo.+
2 Ń má sé Zoova kɛ: “A ti min fiawlɛ, a ti min fiawlɛ sua,+Ɲanmiɛn nga n fa min wla n guɛ i su’n yɛle wɔ.”+
3 Afin ɔ́ wá dé wɔ anunman trafuɛ’n i aya’n nun.
Ɔ́ dé wɔ tukpacɛ m’ɔ sa ndɛndɛ’n m’ɔ kun tɛ kpa’n i sa nun.
4 Ɔ́ fɛ́ i ndrɛ’n káta ɔ su,yɛ á fíɛ i ndɛwa’m be bo.+
I nanwlɛ dilɛ’n+ yó kɛ ɲrɛn dan wie sa,+ ɔ́ yó kɛ talɛ wie m’ɔ sasa sran’n sa.
5 A su sroman kɔnguɛ ninnge sroesroe mun,+yɛ a su sroman ta mma ng’ɔ sin wia nun’n.+
6 A su sroman tukpacɛ m’ɔ sa ndɛndɛ’n m’ɔ wlanwlan aosin’n nun’n,yɛ a su sroman like ng’ɔ saci like mindi su’n.
7 Sran akpi (1.000) bé tɔ́ ɔ wun lɛ,yɛ sran akpiakpi blu (10.000) bé tɔ́ ɔ sa fama su,sanngɛ ɔ liɛ’n, ɔ su mantanman ɔ koko.+
8 Kɛ bé tú klunwifuɛ’m be fɔ mɔ á wún nun’n,ɔ ɲinma yɛ á fá nían sa sɔ’n niɔn.
9 Afin a seli kɛ: “Zoova ti min fiawlɛ,”
a fali Ɲanmiɛn m’ɔ o Like Kwlaa Ti Su’n yoli ɔ tranwlɛ.*+
10 Sa tɛ wie fi su tɔman ɔ su,+yɛ ɲrɛnnɛn wie fi su mantanman ɔ tannin sua’n i koko.
11 Afin ɔ́ súnmɛn i anzi mun+ ɔ sin,naan lika kwlaa nga á kɔ́’n be sasa wɔ.+
12 Bé fá wɔ be sa su,+ɔ maan ɔ ja su kplaman yɔbuɛ.+
13 Á nánti asɔmɔli gbanflɛn’n nin kpangbanzrɛlɛ’nbe su,yɛ á tíatía asɔmɔli nga i kɔmin nun ndrɛ’n ti vɔɔ’n nin wuo dan’n be su.+
14 Ɲanmiɛn seli kɛ: “Kɛ m’ɔ klo min’n ti’n, ń má dé i,+ń sɛ́sɛ́ i afin ɔ si min dunman’n.+
15 Ɔ́ flɛ́ min, yɛ ń tɛ́ i su.+
Ń súɛn i bo ɲrɛnnɛn blɛ’n nun,+ń dé i, yɛ ń yó maan ɔ́ ɲán ɲrun.
16 Ń yó maan ɔ́ cɛ́ nguan nun,+yɛ ń yó maan ɔ́ wún sa nga n yo be n fa de sran’n.”*+
