Jue Mun 86:1-17
Davidi i Ɲanmiɛn srɛlɛ.
86 Ee Zoova, sie ɔ su min nuan bo,* yɛ tɛ min su.
Afin afɛ o min su, yɛ n ti yalɛfuɛ.+
2 Sasa min nguan’n, afin n nanti seiin.+
De ɔ sufuɛ m’ɔ fɛ i wla gua ɔ su’n,afin a ti min Ɲanmiɛn.+
3 Ee Zoova, si min aunnvɔɛ,+afin n kpan flɛ wɔ aliɛ ba kwlaa nun.+
4 Yo maan ɔ sufuɛ’n i klun jɔ,afin Zoova, ɔ su lɔ yɛ n kpɛ min ɲin-ɔn.
5 Afin Zoova, a ti kpa,+ yɛ a yaci sa cɛ.+
Be kwlaa nga be kpan flɛ wɔ’n, a kle kɛ a klo be dan.+
6 Ee Zoova, tie min srɛlɛ’n,yɛ fa ɔ ɲin sie i srɛlɛ nga n tu min klun n srɛ wɔ kɛ a uka min’n su.+
7 Min ɲrɛnnɛn blɛ nun’n, n kpan flɛ wɔ,+afin á wá tɛ́ min su.+
8 Ee Zoova, ɲanmiɛn fi timan kɛ wɔ sa,+ninnge nga a yo be’n be leman wunsu.+
9 Ee Zoova, nvlenvle mɔ a yili be’n be kwlaa
bé bá yɛ bé kóto ɔ ɲrun lɛ,+kpɛkun bé mánmán ɔ dunman’n.+
10 Afin a ti dan yɛ a yo abonuan sa mun,+ɔ kunngba cɛ yɛ a ti Ɲanmiɛn’n niɔn.+
11 Ee Zoova, kle min ɔ atin’n.+
Ń nánti ɔ nanwlɛ atin’n su.+
Yo naan min awlɛn’n tran like kunngba su* naan n sro ɔ dunman’n.+
12 Ee Zoova, min Ɲanmiɛn, n fa min awlɛn’n kwlaa n manman wɔ,+yɛ ń mánmán ɔ dunman’n tititi.
13 Afin klolɛ nga a yi i nglo min lika’n ɔ ti dan,yɛ a deli min naan m’an tɔman Ndia’n* i bo mmua kpa lɔ.+
14 Ee Ɲanmiɛn, wun tufuɛ’m be jaso min wun.+
Be nga be siman aunnvɔɛ’n be kunndɛ kɛ bé kún min,yɛ be buman wɔ like fi.+
15 Sanngɛ Zoova, a ti Ɲanmiɛn kun m’ɔ yaci sa cɛ-ɔ, yɛ a si aunnvɔɛ.*
A faman ya ndɛndɛ, a klo sran dan, yɛ a ti nanwlɛfuɛ.+
16 Kpɛ ɔ ɲin min su wa naan si min aunnvɔɛ.+
Fa ɔ wunmiɛn’n man ɔ sufuɛ’n,+yɛ de ɔ kanga bla’n i wa’n.
17 Kle min ɔ klun ufue’n i nzɔliɛ,i liɛ’n, be nga be kpɔ min’n bé wún i, kpɛkun be ɲin gúa ase.
Afin Zoova, a ti min ukafuɛ nin min fɔnvɔfuɛ.
Ja ngua lɔ ndɛ mun
^ Annzɛ “klu naan tie.”
^ Annzɛ “Yo naan min awlɛn’n w’a yoman nɲɔnnɲɔn.”
^ Annzɛ “Seɔlu’n.” Nian Ndɛ’m be bo tulɛ lika’n nun lɔ.
^ Annzɛ “a yo sran’m be cɛcɛ.”
